Муминзода Шероз Абдуҷаббор – муовини ректор оид ба корҳои таълим, номзади илмҳои ҳуқуқшиносӣ, дотсент

Соли 2004 пас аз хатми Донишгоҳи давлатии тиҷорати  Тоҷикистон аз рӯи ихтисоси  ҳуқуқшиносӣ фаъолияташро оғоз менамояд. Тайи солҳои 2004-2007 ба ҳайси ассистенти кафедраи ҷомеашиносӣ, 2007-2009 мудири бахши кор бо ҷавонони Комплекси ягонаи таълимии Донишгоҳи давлатии тиҷорати Тоҷикистон дар шаҳри Хуҷанд ифои вазифа менамояд.

Солҳои 2009-2012 дар вазифаҳои муовини декани факултети тиҷорат, фаъолияти гумрукӣ ва ҳуқуқ, 2012 -2015 мудири бахши тайёрӣ, 2015-2017 ёвари директор ва  солҳои 2017-2018 декани факултети тиҷорат ва ҳуқуқи Муассисаи давлатии таълимии Донишкадаи иқтисод ва савдои Донишгоҳи давлатии тиҷорати Тоҷикистон кор мекунад. Давоми солҳои  2018-2024 вазифаи декани факултети ҳуқуқшиносии Донишгоҳи давлатии ҳуқуқ, бизнес ва сиёсати Тоҷикистонро ба зимма дошт.

Дар асоси  фармоиши вазири маориф ва илми Ҷумҳурии Тоҷикистон аз 05  апрели соли 2024, №385 ба вазифаи муовини ректор оид ба корҳои таълими Муассисаи давлатии таълимии “Донишгоҳи давлатии ҳуқуқ, бизнес ва сиёсати Тоҷикистон” таъин шуд.

Муминзода Ш. А. соли 2015 рисолаи номзадиашро таҳти унвони “Танзими ҳуқуқии шартномаҳои фючерие, ки дар биржаҳои молӣ баста мешаванд” ҳимоя намуда, соҳиби унвони номзади илмҳои ҳуқуқшиносӣ гардид. Дар равияи ҳуқуқи соҳибкорӣ ва гражданӣ тадқиқот бурда, дар ин самт зиёда аз 100  маводи илмию тадқиқотиаш  дар маҷаллаҳои илмии ҷумҳуриявӣ ва берун аз он  ба табъ расидаанд. Ҳамзамон, маводи таълимию  методии таълифнамудааш дар раванди таълим самаранок истифода бурда мешавад.

Мавсуф дар давраи фаъолияти корӣ дар Донишгоҳи давлатии ҳуқуқ, бизнес ва сиёсати Тоҷикистон бобати ташкили ихтисосҳои нав дар факултет, таҳияи  барномаҳои таълимии ихтисосҳои нав ва  омода кардани стандартҳои давлатӣ, тарбияи мутахассисони ояндасоз саҳми назаррас гузошта меояд.

Муминзода Ш. А. барои фаъолияти пурсамар дар омода намудани мутахассисони соҳибтахассус бо унвони Аълочии маориф ва илми  Ҷумҳурии Тоҷикистон, медали ҷашнӣ ба ифтихори 30-юмин солгарди таъсисёбии Қувваҳои мусаллаҳи Ҷумҳурии Тоҷикистон ва  Ифтихорномаҳои Вазорати маориф ва илми Ҷумҳурии Тоҷикистон, Вазорати корҳои дохилии Ҷумҳурии Тоҷикистон, Иттифоқи ҷумҳуриявии ҷамъияти матлуботи Тоҷикистон, Мақомоти иҷроияи ҳокимияти давлатии вилояти Суғд ва шаҳри Хуҷанд, Кумитаи иҷроияи ҳизби халқии демократии Тоҷикистон дар вилояти Суғд сарфароз гардидааст.

Телефон: (+992) 3-927170406 (мобилӣ); (+992) 342220853 (корӣ).

E.mail: Sheroz_1982@mail.ru

Таълифоти илмӣ