Бизнес ва иқтисодиёти байналмилалӣ

Шахрванд Туразода Ҷамшед Аскар
Дар вазифаи декани факултети бизнес ва идоракунии ДДҲБСТ кор мекунад, номзади илмҳои иқтисодӣ, дотсент
Моҳи сентябри соли 2016 Ҷонишини раиси Кумитаи иҷроияи ибтидоии ҲХДТ Сомон, дар назди кумитаи маҳаллаи Суғдиён таъин шуд
Соли таваллуд 25.08.1975
Чои таваллуд ш.Душанбе
Миллат тоҷик
Маълумот олӣ
Соли 1997 Донишгоҳи давлатии ҳуқук, бизнес ва сиёсати Тоҷикистонро хатм намудааст
Ихтисос молшинос-тиҷоратчӣ
Кадом забонхои хоричиро медонад русӣ, англисӣ

1. Дар соли хониши 2018-2019 омӯзгорони факултет Абдулазизов Р.А., Абдуллоева А.Т., Ҳоҷибоева М.А.  ва  Шамсиев Ф.К рисолаҳои илмиашонро  ҳимоя намуда, соҳиби унвони номзади илмҳои иқтисодӣ гаштанд.
2. Дотсент Хӯҷаназарова М.И. бо Ифтихорномаи Вазорати маориф ва илми Ҷумҳурии Тоҷикистон қадрдонӣ шуд.
3. Омўзгорони факултет Азимов А.Ч., Хӯҷаназарова М.И ва Хоҷаева Д.А. дар соли 2019  бо унвони Аълочии маориф ва илми Тоҷикистон қадршиносӣ гардиданд.
4. Дотсентон Ҳайитбоева Н.А.,  Ахмедова М.А.,  Хоҷаева Д.А. –бо Ифтихорномаи Ҳизби халқии демократии Тоҷикистон дар вилояти Суғд сарфароз гардиданд (2019)
5. Тошов Мунис Раҷабович – донишҷӯи курси 3-юм, ихтисоси 1-26.02.02.01т-менеҷменти молиявӣ – ғолиби озмуни байналхалқӣ дар шаҳри Қазони  Федератсияи Русия аз рўи намуди гўштини камарбандӣ дар вазни 68 кг – 2019 .
6. Каримова Нозила Асламовна-донишҷӯи курси 4-ум, ихтисоси 1-25.01.07т- иқтисодиёт ва идоракунии корхонаҳо– ғолиби озмуни ҷумҳуриявии “Донишҷўи сол – 2018”, ғолиби озмуни ҷумҳуриявии «Тоҷикистон – ватани азизи ман» дар давраи вилоятӣ соли 2019, гирандаи идрорпулии Раиси вилояти Суғд.
7. Ҷўраев Худойшукур Рашидович – донишҷӯи курси 4-ум, ихтисоси 1-25.01.03т-иқтисоди ҷаҳонӣ-ғолиби озмуни ҷумҳуриявии мақолаи беҳтарин таҳти унвони «Тоҷикистон минтақаи ҷолиби сайёҳӣ» – 2018, ғолиби озмуни ҷумҳуриявии «Корҳои илмӣ-тадқиқотӣ» – и донишҷўён – 2019, гирандаи идрорпулии Раиси вилояти Суғд дар соли хониши 2018-2019.
8. Шарипов Тимур Абдулафизович – донишҷӯи курси 4-ум, ихтисоси 1-25.01.03т-иқтисоди ҷаҳонӣ, иштирокчии ҳамоиши байналхалқӣ вобаста ба пешниҳоди лоиҳаҳои иқтисодӣ ва савдо дар Ҷумҳурии Куриёи Ҷанубӣ – 2019, гирандаи идрорпулии Раиси вилояти Суғд дар соли хониши 2018-2019.
9. Устозода Фарангис – донишҷӯи курси 4-ум, ихтисоси 1-25.01.03т-иқтисоди ҷаҳонӣ , ғолиби лоиҳаи байналхалқии ENACTUS – 2018, гирандаи стипендияи Раёсати донишгоҳ дар соли хониши 2018-2019
10. Абдуллоева Умедаҷон Баҳромовна – донишҷӯи курси 4-ум, ихтисоси 1-25.01.07т-иқтисодиёти корхонаҳо -гирандаи идрорпулии Раиси вилоят дар соли хониши 2018-2019
11. Исмоилова Наргиса Абдуғафоровна, Абдуғафорова Махфуза Сайфидиновна – донишҷӯёни курси 4-ум, ихтисоси 1-25.01.07т-иқтисодиёти корхонаҳо- гирандагони стипендияи Раёсати донишгоҳ дар соли хониши 2018-2019.

Шамсиев Фурқат Каримович– мудири кафедраи менеҷмент

Кафедраи менеҷмент дар асоси қарори Шўрои олимони донишгоҳ таҳти  № 8 аз (01.03.06) ва  фармони ректори донишгоҳ таҳти № 6 аз 19.04.04 дар тобеияти кафедраи менеҷмент ва агробизнес. ташкил шудааст. Дар давраҳои гуногун кафедраи менеҷментро мутахассисон ва олимони шинохта Абдуллоев З.Р., Сатторова М.С., Асророва М.А., Зокирова Ш.М. ва Хоҷаева Д.А.,  Норматова Ш.М. роҳбарӣ менамуданд. Аз соли 2021  то ба имрӯз Шамсиев Ф. К. роҳбарии кафедраро номзади илмҳои иқтисодӣ,  дотсент ба ўҳда дорад.

Азнавташкилёбии кафедраи менеҷмент имкон дод, ки ҳадафи асосии рушди минбаъдаи онро ташкили коллективи  омӯзгорони баландихтисос ва олимони дорои қобилияти баланди омоданамудаи мутахасс-идоракунандаи сатҳи олӣ, имкони ҳаллӣ муаммоҳои илмӣ-амалии муҳимиятдошта  мебошанд,  ифода намояд.  Фаъолияти аъзоёни кафедра ба мукаммалгардонидани самтҳои таълимӣ, илмӣ ва корҳои тарбиявӣ нигаронида шудааст.

Дар кафедра 16 нафар омўзгорон фаъолият доранд, ки аз онҳо 6 нафар дотсент, 7 нафар сармуаллим, 3 нафар ассистент мебошанд. Аъзоёни кафедра корҳои илмию таҳқиқотии худро  тибқи консепсияи панҷсола дар мавзўи «Стратегияи менеҷменти муосир дар инкишофи минтақа»  барои солҳои 2015-2020 пеш мебаранд.  Аз ҷониби  омўзгорони кафедра – 5 монография ва зиёда аз 200 мақолаи илмӣ, ки самтҳои асосии корҳои таҳқиқотии кафедраро инъикос менамояд, нашр гардидааст.

Кафедра мутахассисонро аз рӯи ихтисосҳои зерин омода менамояд: 1.26.01.01-идораи давлатӣ (шўъбаи рўзона ва шўъбаи ғоибона), 1.26.02.02 -менеҷмент (шўъбаи рўзона), 1.26.02.02-менеҷмент (магистратура)

Кафедраи менеҷмент аз соли 2013 тибқи  шартнома  бо Донишгоҳи давлатии технологии Житомер ҳамкорӣ дорад. Суроға: Донишгоҳи давлатии технологии Житомер, кўчаи Чудновская 103, Украина 10005, сомонаи донишгоҳ:  https: // ztu.edu.ua. суроғаи электронии донишгоҳ: Igor­­_Burachek@ukr.net:

Тошматова Мунира Далиловна – мудири кафедраи иқтисоди ҷаҳонӣ,  

номзади илмҳои иқтисодӣ, дотсент

Кафедраи иқтисодиёти ҷаҳонӣ бо қарори Шўрои олимони донишгоҳ аз 16 июни соли 2005 № 78 дар заминаи кафедраи назарияи иқтисодӣ ва муносибатҳои иқтисодии байналмилалӣ ва дипломатия дар таркиби факултаи сиёсатшиносӣ ва муносибатҳои байналмилалӣ таъсис дода шудааст.  Моҳи феврали соли 2013 бо қарориШўрои олимони донишгоҳ кафедра ба факултаи молия ва соли 2015 ба факултаи бизнес ва идоракунӣ гузаронида шуд.  Дар солҳои мухталиф кафедраро устодони зерин роҳбарӣ намудаанд: н.и.и., дотсент Fозибеков С.А. (1998-200),  н.и.и., дотсент Раҳимов А.Р. (2000-2005), д.и.и., профессор Бобоҷонов Д. Д. (2005-2012), н.и.и., дотсент Шокиров Р.С. (2012-2015),   д.и.и., профессор Пўлотова И.Р. (2015-2018). Айни ҳол  вазифаи мудири кафедраро н.и.и., дотсент Тошматова М.Д. ба зимма дорад.

Кафедра мутахассисони баландихтисосро дар соҳаи муносибатҳои иқтисодии байналмилалӣ, тиҷорати байналхалқӣ ва фаъолияти иқтисодии берунаи ташкилотҳо тайёр менамояд. Вазифаи кафедра тайёр кардани кадрҳои баландихтисос дар соҳаи иқтисодиёти ҷаҳонӣ ва тиҷорати байналмилалӣ бо роҳи таҳия ва татбиқи усулҳои инноватсионӣ дар раванди таълим мебошад.

Кафедраи иқтисоди ҷаҳонӣ бо Минтақаи озоди иқтисодии Суғд, Палатаи савдо ва саноати вилояти Суғд, шубаи робитаҳои иқтисодии Мақомоти иҷроияи ҳокимияти давлатии вилояти Суғд, корхонаҳои муштарак ва дигар субъектҳои хоҷагидорӣ дар самтҳои таҷрибаомӯзии донишҷӯён, ташкили мизҳои мудаввар, семинарҳо ва таъмини донишҷӯён бо ҷойҳои корӣ мунтазам ҳамкорӣ дорад.

Дар кафедраи иқтисодиёти ҷаҳонӣ 9 нафар омӯзгорон фаъолият мебаранд, ки аз онҳо – 2 нафар доктори илм – профессор, 3 номзади илм – дотсент, 4 нафар сармуаллим мебошанд.

Қаюмов Фурқат Ғайбуллоевич – мудири кафедраи  иқтисодиёти корхонаҳо ва минтақа, номзади илмқои иқтисодӣ, дотсент

Кафедраи иқтисодиёти корхона дар асоси қарори Шўрои олимони донишгоҳ (№13 аз 06.02.1996) ташкил шудааст. Дар пешрафти фаъолияти кафедра саҳми мудирони кафедра – доктори илмҳои иқтисодӣ, профессор Абдусамадов Ғ.С. (1996- 2000), номзади илмҳои иқтисодӣ, дотсентон Набиева А.Я. (2000_2004), Дониёров М.Р. (2004-2005, 2007-2010), Тоҷзод Д.Ҳ. (2005-2006), Зокирова Ш.М. (2006-2007), Хоҷаева Д.А. (2010-2015) назаррас мебошад. Бо фармоиши № 209-К аз 01.09.2018 кафедра ба иқтисодиёти корхонақо ва минтақа номгузорӣ карда шуда, айни қол номзади илмҳои иқтисодӣ, дотсент Қаюмов Ф.Ғ. вазифаи мудири кафераи мазкурро ба ўқда дорад.

Вазифа ва мақсади асосии кафедра – тайёр намудани мутахассисони баландихтисос аз рӯи ихтисосҳои иқтисодиёт ва идора дар корхона ва бизнес – маъмуриятчигӣ мебошад.

Дар кафедра аз рўи 33 фанни таълимӣ машғулиятҳои лексионӣ ва амалӣ гузаронида мешавад. Аз тарафи устодону омӯзгорони кафедра ба табъ расидани зиёда аз 26 номгӯи китобу дастурҳои методӣ ва комплекси таълимию методӣ дастоварди муҳим дар самти фаъолияти таълимию илмӣ арзёбӣ мегарданд.

Дар кафедра 13 нафар омўзгорон кору фаъолият менамоянд, ки аз онҳо 2 нафар д.и.и., профессор, 6 нафар номзадони илмҳои иқтисодӣ, дотсент, 4 нафар сармуаллим,  1 нафар ассистент мебошанд.

Бояд қайд кард, ки дар кафедраи иқтисодиёти корхонаҳо ва минтақа магистратура аз рӯи ихтисоси 1-25.01.07 – иқтисодиёт ва идора дар корхона, инчунин докторантура (PhD) аз рӯи ихтисоси 6D050602 – иқтисодиёти минтақа омода карда мешаванд. Вобаста ба мавзўи самти тадқиқотии кафедра «Соҳибкорӣ муҳаррики иқтисодиёт: стратегияи рушди устувори минтақаҳои кишвар» 9 монография ва 150 адад мақолаҳои илмӣ нашр гардиданд.

Хӯҷаназарова Мақсудахон Имомназарова – мудири кафедраи маркетинг-агробизнес, номзади илмҳои иқтисодӣ,  дотсент

            Кафедраи маркетинг-агробизнес дар асоси қарори Шўрои олимони донишгоҳ (сур.9 аз 9.07.2001), бо фармони ректори донишгоҳ таҳти №157/1, аз 20.08.2001 дар факултети бизнес ва ҳисобгирӣ таъсис ёфтааст. Бо фармони ректори донишгоҳ аз 13.09.2002 сол таҳти рақами №164 ба ҳайати факултети молия ва менеҷмент гузаронида шуд. Бо қарори Шӯрои олимони донишгоҳ аз 09.07.2008 дар донишгоҳ факултети нав бо номи инноватсия ва технологияи тиҷорат таъсис ёфта, аз оғози соли хониши нави 2008-2009 кафедраи маркетинг-агробизнес ба факултети мазкур шомил гардид. Баъдан дар асоси қарори Шўрои олимони донишгоҳ аз моҳи январи соли 2013 кафедраи мазкур аз нав ба сохтори факултети бизнес ва идоракунӣ гузаонида шуда, то имрўз амал карда истодааст.

Дар кафедраи маркетинг-агробизнес 14 нафар омӯзгорон фаъолият мебаранд, ки аз онҳо 7 нафар номзади илм, 3-нафар сармуаллим, 3-нафар ассистент,  1 –нафар коргузор, мебошанд.   Раванди таълим аз ҷониби устодони кафедра аз рӯи 21 фанни таълимӣ дар асоси барномаҳои таълимӣ ва корӣ (силлабусҳо), матни лексияву дигар маводи таълимӣ ба роҳ монда шудааст. Фаъолияти илмию омӯзгории кафедра ба омӯзонидани фанҳои тахассусии ихтисоси маркетинг дар комплекси агросаноатӣ ва  маркетинг ба донишҷӯён равона гардидааст. Омӯзгорони соҳибтаҷрибаи кафедра дар шаш факултетҳои донишгоҳ баҳри тайёр намудани мутахассисони баландихтисос, ки саҳми худро дар рушди соҳаҳои мухталифи хоҷагии халқи мамлакат мегузоранд, машғулиятҳои лексионӣ ва  семинарӣ мегузаронанд.

Кафедраи маркетинг-агробизнес кафедраи тахассусӣ буда, пас аз хатми донишгоҳ ба хатмкунандагон тахассусмандии иқтисодчӣ аз рӯи ихтисоси маркетинг дар комплекси агросаноатӣ ва маркетинг дода мешавад.

Мирзозода Фарҳод Ҷумъабой– мудири кафедраи хадамоти гумрук, номзади илмҳои иқтисодӣ,  дотсент

Кафедраи хадамоти гумрук дар асоси фармони ректори донишгоҳ аз 26 июни соли 2005, таҳти № 81 бо мақсади таъмини самаранокии раванди таълиму тарбия, корҳои таълимию методӣ, илмию тадқиқотӣ дар назди факултети сиёсатшиносӣ ва муносибатҳои байналхалқӣ таъсис дода шуд, ки он фаъолияти хешро асосан аз 1 сентябри 2005 оғоз намуд. Аз соли 2005 то соли 2013 профессор А.О. Орифов вазифаи мудири кафедраро ба ўҳда дошт. Дар ташкил ва пешрафти кафедра саҳми д.и.и., профессор А.О. Орифов  назаррас аст. Соли 2013 то моҳи август кафедраро Юсупов Д.С., – н.и.и., дотсент  ва аз моҳи августи соли 2013 то соли 2022 дотсент Р.А. Каримов сарварӣ менамуд. Айни ҳол н.и.и., дотсент Мирзозода Ф. Ҷ. вазифаи мудири кафедраи хадамоти гумрукро ба ўҳда дорад.

Мақсади фаъолияти кафедра омода кардани мутахассисони баландихтисос тибқи талаботи стандарти давлатии маълумоти олии касбӣ аз рӯи самти ихтисоси 1-96 01 01 – хадамоти гумрукӣ мебошад. Вазифаҳои асосии кафедра ба қонеъ гардонидани талаботи шахсият дар рушди зеҳнӣ, фарҳангӣ, ҷисмонӣ ва ахлоқӣ, гирифтани маълумоти олии касбӣ; омодакунии кадрҳо ва мутахассисони баландихтисоси фаъолияти гумрукӣ, ташкил ва гузаронидани корҳои илмию таҳқиқотӣ, бозомӯзии касбӣ ва баланд бардоштани тахассуснокии ҳайати кормандон ва ғ. равона карда шудааст.

Дар кафедра аз рўи 20 (бист) фанни таълимӣ машғулиятҳо ба роҳ монда шудааст. Ба фаъолияти касбӣ 8 нафар устодони кафедра  машғул мебошанд, ки аз 2 нафар дотсент, 3 нафар  сармуаллим, з нафар ассистент мебошанд.

Бо қалами олимони кафедра 12 адад дастурҳои таълимию методӣ, 3 адад монография ва зиёда аз 350 мақолаҳои илмӣ ба чоп расидаанд. Доир  ба ҳамаи фанҳои таълимӣ барномаи таълимӣ ва корӣ, махзани саволномаҳои тестӣ, барномаҳои таҷрибаомӯзӣ, дастурҳои методӣ, номгӯи мавзӯҳои корҳои мустақилона, рефератҳо, корҳои курсӣ, рисолаҳои хатм, барномаи имтиҳони давлатӣ омода карда шудаанд. Вобаста ба фанҳои таълимӣ комплексҳои таълимию методӣ, китобҳои дарсӣ  ба нашр расида, дар ҷараёни таълим самаранок истифода бурда мешаванд.