ОМӮЗИШИ ЗАБОНҲОИ ХОРИҶӢ – ОМИЛИ РУШДИ ҶОМЕА

(дар партави Паёми Президенти Ҷумҳурии Тоҷикистон Пешвои миллат муҳтарам Эмомалӣ Раҳмон «Дар бораи самтҳои асосии сиёсати дохилӣ ва хориҷии ҷумҳурӣ» аз 16.12.2025)

Дар шароити ҷаҳонишавии муосир омӯзиши забонҳои хориҷӣ ба яке аз омилҳои муҳими рушди ҷомеа, иқтисод ва фарҳанг табдил ёфтааст. Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон, аз 16 декабри соли 2025 бори дигар аҳамияти рушди сармояи инсонӣ, маориф ва омодасозии мутахассисони рақобатпазирро таъкид намуд. Дар ин замина, омӯзиши забонҳои хориҷӣ ҳамчун воситаи асосии ҳамгироии Тоҷикистон ба ҷомеаи ҷаҳонӣ мақоми хос пайдо мекунад.

Омӯзиши забонҳои хориҷӣ, аз ҷумла забонҳои англисӣ, русӣ, чинӣ ва дигар забонҳои байналмилалӣ, ҷузъи ҷудонопазири таҳсилоти муосир маҳсуб меёбад. Забондонӣ имконият медиҳад, ки хонандагон ва донишҷӯён ба манбаъҳои илмии ҷаҳонӣ дастрасӣ пайдо намуда, донишу ҷаҳонбинии худро васеъ намоянд.

Донистани забонҳои хориҷӣ барои ҷалби сармоягузории хориҷӣ, рушди соҳибкорӣ, сайёҳӣ ва ҳамкориҳои байналмилалӣ аҳамияти калидӣ дорад. Мутахассисони забондон метавонанд дар муоширати касбӣ, тиҷорат ва лоиҳаҳои байналмилалӣ фаъолона иштирок намоянд. Омӯзиши забонҳои хориҷӣ ба дипломатҳо, кормандони сохторҳои давлатӣ ва намояндагони соҳаҳои гуногун имкон медиҳад, ки манфиатҳои миллиро дар сатҳи байналмилалӣ ҳимоя намоянд ва робитаҳои мутақобилан судмандро тақвият бахшанд.

Хулоса, омӯзиши забонҳои хориҷӣ дар Паёми Президенти Ҷумҳурии Тоҷикистон ҳамчун яке аз самтҳои муҳими рушди маориф ва сармояи инсонӣ баррасӣ мегардад. Зеро, забондонӣ на танҳо василаи муошират, балки калиди дониш, пешрафти иқтисодӣ ва таҳкими мавқеи Тоҷикистон дар арсаи ҷаҳонӣ мебошад. Аз ин рӯ, таваҷҷуҳ ба омӯзиши забонҳои хориҷӣ бояд яке аз афзалиятҳои асосии сиёсати давлатӣ ва ҷомеа боқӣ монад.

Сулаймонова Г. Р. – муаллими калони кафедраи забонҳои хориҷии ДДҲБСТ