Як душмани иттилоотӣ кам гардид!
Фаъолияти сомонаи «Ахбор.ком» аз 15 феврали соли 2020 аз ҷониби Суди олии Ҷумҳурии Тоҷикистон тибқи қонунгузории амалкунандаи Ҷумҳурии Тоҷикистон бо сабаби амалӣ намудани фаъолияти экстремистӣ, яъне паст задани шаъну эътибори миллӣ бо мақсади таъмин намудани амнияти давлат ва бартараф намудани таҳдиди экстремизм дар қаламрави Ҷумҳурии Тоҷикистон қатъ карда шудааст.
Бо вуҷуди ин ба таври қонунӣ қатъ гардидани фаъолияти сомонаи «Ахбор.ком» сармуҳаррири он Мирзои Салимпур иброз менамоянд, ки фаъолияташон ба тариқи ғайриқонунӣ ва беасос қатъ гардидааст. Онҳо инчунин таъкид менамоянд, ки дар Тоҷикистон низоми судии мустақил вуҷуд надорад ва онҳо аз беқонунӣ худро ҳимоя намоянд. Ин таъкиди онҳо бардурӯғ аст, зеро дар Тоҷикистон низоми судии мустақил амал менамояд.
Бояд қайд намуд, ки тибқи муқаррароти моддаи 84 Конститутсияи Ҷумҳурии Тоҷикистон ҳокимияти судӣ мустақил буда, аз номи давлат ва аз тарафи судяҳо амалӣ мегардад. Ҳокимияти судӣ ҳуқуқу озодии инсону шаҳрванд, манфиати давлат, ташкилоту муассисаҳо, қонунияту адолатро ҳифз менамояд. Ба амал баровардани ҳокимияти судӣ ба зиммаи мақомоти судӣ ҳамчун мақомоти махсус вогузор карда шудааст, ки он фаъолияти худро аз рўи тартиби муайянкардаи қонун ба амал бароварда, санадҳои бо қонун пешбинишударо қабул мекунад ва санадҳои меъёрии ҳуқуқиро татбиқ менамояд. Бинобар он, ин муқаррароти қонуни асосии кишвар дар амалия татбиқ гардида истодааст.
Мо ба мақомоти судӣ боварӣ дорем, зеро ин мақомот ҳуқуқу озодии инсону шаҳрванд, манфиати давлат, ташкилоту муассисаҳо, қонунияту адолатро ҳифз менамояд. Ҳар як санадҳои судӣ дар доираи қонунҳои амалкунандаи Тоҷикистон қабул карда мешаванд. Агар мақомоти судӣ амал намекард, онгоҳ адолати судӣ низ ба амал бароварда намешуд.
Мақсади асосии сомонаи “Ахбор.ком” мусоидат намудан барои бо зӯроварӣ ғасб намудани ҳокимияти давлатӣ ва ба сари ҳокимият ба таври ғайриқонунӣ ҷойгир намудани дигар шахсон, пеш аз ҳама хоҷагони худ аст. Он ахборҳое ки онҳо пешниҳод менамоянд, берун аз рисолати журналистӣ буда, ҳадафҳои дигар доранд. Агар фаъолияти онҳо қонунӣ мебуд, онгоҳ фаъолияти онҳо дар қаламрави Тоҷикистон қатъ карда намешуд. Бояд зикр намуд, ки аз ҷониби Суди олии Ҷумҳурии Тоҷикистон беасос ва ғайриқонунӣ санади судӣ қабул карда намешавад.
Хулоса, як гурӯҳи шахсон бо ҳар роҳу восита мехоҳад мардуми тоҷикро ба тахлуқа андохта, мафкураи онҳоро вайрон намуда, мақсадҳои нопоки худро ҷорӣ намоянд. Лекин мо бо боварии комил гуфта метавонем, ки имрӯз мафкураи сиёсӣ ва ҳуқуқии мардуми тоҷик дар сатҳи баланд қарор дорад ва онҳо хуб дарк менамоянд, ки ҳокимияти Тоҷикистони муосир танҳо ба манфиати халқ амалӣ карда истодааст.
Каримова М.М. – сармуаллимаи кафедраи
ҳуқуқи ҷиноятӣ, криминалистика
ва пешгирии коррупсияи ДДҲБСТ