Ректор

 ШАРИФЗОДА МУЪМИН МАШОКИР
Ректори Донишгоҳи давлатии ҳуқуқ, бизнес ва сиёсати Тоҷикистон, доктори илмҳои иқтисодӣ, профессор

Шарифзода Муъмин Машокир 16 апрели соли 1965 дар ноҳияи Ашти вилояти Суғд таваллуд шудааст. Соли 1982 пас аз хатми мактаби миёна то ба давраи даъват шуданаш ба сафи хизмати ҳарбӣ дар ноҳияи Ашт дар вазифаҳои гуногун фаъолияти меҳнатиро идома медиҳад. Солҳои 1983 – 1985 дар сафи Қувваҳои мусаллаҳи Шӯравӣ хизмат карда, соли 1987 Техникуми кооперативии шаҳри Ленинобод (Хуҷанди ҳозира)-ро бо дипломи аъло хатм намуда, дар Донишкадаи савдои советии кооперативии шаҳри Новосибирск таҳсилро идома медиҳад. Соли 1991 Донишкадаи мазкурро бо ихтисоси молшиносӣ ва ташкили савдои молҳои хӯрокворӣ хатм намуда, ба ҳайси омӯзгор-коромӯзи кафедраи идоракунӣ ва маркетинги филиали Донишкадаи савдои кооперативии шаҳри Новосибирск дар шаҳри Душанбе фаъолият мебарад.
Соли 1994 шуъбаи рӯзонаи аспирантураи Академияи тиҷорати Сибири шаҳри Новосибирскро бомуваффақият хатм менамояд. Дар ин давра рисолаи номзадиашро таҳти унвони «Коммерческая деятельность потребительской кооперации на рынке продовольственных товаров» ҳимоя намуда, дар асоси қарори КОА ФР соли 1994 соҳиби дипломи дараҷаи илмии номзади илмҳои иқтисодӣ мегардад. Соли 2002 ба ӯ шаҳодатномаи дотсентӣ тақдим карда мешавад.
Рисолаи докториашро дар Шӯрои Донишгоҳи савдои кооперативии шаҳри Новосибирск ҳимоя намуда, соли 2012 дар асоси қарори КОА ФР ва фармони Вазорати маориф ва илми Федератсияи Русия ба гирифтани дипломи дараҷаи илмии доктори илмҳои иқтисодӣ ноил мешавад.
Солҳои 1997 – 1998 дар вазифаи дотсенти кафедраи маркетинги Донишгоҳи давлатии ҳуқуқ, бизнес ва сиёсати Тоҷикистон, солҳои 1998 – 2005 мудири кафедраи тиҷорат ва ҳуқуқи Комплекси ягонаи таълимии Донишгоҳи давлатии тиҷорати Тоҷикистон дар шаҳри Хуҷанд, солҳои 2005 – 2008 ноиби ректори Донишгоҳи давлатии тиҷорати Тоҷикистон оид ба Комплекси ягонаи таълимии дар шаҳри Хуҷанд фаъолият менамояд.
Бо қарори Ҳукумати Ҷумҳурии Тоҷикистон таҳти №566 аз18 ноябри соли 2008 ба вазифаи ректори Донишгоҳи давлатии тиҷорати Тоҷикистон таъин гардида, то моҳи марти соли 2017 адои вазифа намудааст.
Тибқи қарори Ҳукумати Ҷумҳурии Тоҷикистон аз 15 марти соли 2017, таҳти №129 Шарифзода Муъмин Машокир ба вазифаи ректори Донишгоҳи давлатии ҳуқуқ, бизнес ва сиёсатии Тоҷикистон таъин гардид.
Шарифзода Муъмин доктори илмҳои иқтисодӣ, профессор, узви Раёсати Ҳизби Халқии Демократии Тоҷикистон, Раиси Шӯрои диссертатсионии 6D.КОА-023 оид ба ҳимояи рисолаҳои номзадӣ аз рӯи ихтисоси 08.00.05 иқтисодиёт ва идоракунии хоҷагии халқ (иқтисодиёти минтақа), академики Академияи байналмилалии кооператсияи матлубот, узви вобастаи Академияи байналмилалии улуми ташкилии Федератсияи Русия, узви вобастаи академияи илмҳои табиатшиносии Федератсияи Русия мебошад.
Мавсуф дар татбиқи низоми кредитии таҳсилот ва ҷараёни ворид шудан ба фазои таҳсилоти ҷаҳонӣ, ҳамчун аъзои лоиҳаи аврупоии ТЕМПУС – «Идораи стратегии донишгоҳҳо», иштирокчии машварати гурӯҳи корӣ ва ҳамзамон, маросимҳои гуногуни ба тасвиб расонидани шартномаҳои бисёрҷонибаи рушди робитаҳои байналмилалии донишгоҳҳо ва таъсиси шабакаи байнидонишгоҳӣ дар давлатҳои хориҷӣ саҳми назаррас мегузорад.
Шарифзода М.М.ба ҳайси сарвар дар донишгоҳҳои олии кишвар тамоми давраи фаъолияти хеш таъмини иҷрои дастуру супориш ва ҳидоятҳои созандаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, махсусан таблиғи Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон, масъалаҳои марбут ба рушди иҷтимоӣ ва робита бо ҷомеаро дастури фаъолияти хеш қарор дода, давра ба давра бо сохторҳои таркибӣ, кормандон ва донишҷӯён дар робита бо ин масъалаҳо вохӯрӣ, баромаду сӯҳбатҳо менамояд. Дар ин раванд тақвияти иқтидори моддию техникӣ ва кадрӣ тавассути истифодаи таҷҳизоту технологияи муосири таълимию илмӣ, таъсиси озмоишгоҳҳои нави илмию таълимӣ, ҷалби ҷавонони лаёқатманд ба фаъолияти илмию омӯзгорӣ ва такмили ихтисоси устодон дар донишгоҳҳои хориҷи кишвар, таҳия ва нашри китобҳои дарсӣ, комплексҳои таълимию методӣ бо забонҳои давлатӣ, русӣ ва англисӣ, густариши фаъолияти байналмилалии муассисаҳои таълимӣ, тақвияти ҳамкорӣ бо донишгоҳҳои хориҷӣ, таъсиси Маркази таҳсилоти фосилавӣ, таъминоти иттилоотӣ ва илмию методӣ, инчунин аз аккредитатсияи байналмилалӣ гузаронидани ихтисосҳои ДДҲБСТ аз зумраи корҳои назаррасе буданд, ки маҳз бо таҷрибаву кордонии ӯ амалӣ гардидаанд.
Профессор Шарифзода Муъмин Машокир муаллифи зиёда аз 100 асару мақолаҳои илмӣ ва илмию оммавӣ буда, дар рушди соҳаи маорифи кишвар, баланд бардоштани сатҳу сифати таълим ва омода кардани кадрҳои дар бозори ватанӣ ва ҷаҳонӣ рақобатпазир саҳми босазо дорад. Барои фаъолияти пурсамар дар тайёр намудани кадрҳои баландихтисос, таълифи асарҳои илмӣ ва дастурҳои методӣ, ба даст овардани нишондиҳандаҳои назаррас бо унвони медали Хизмати Шоиста, Корманди шоистаи кооператсияи матлуботи Ҷумҳурии Тоҷикистон, нишони Аълочии маорифи Тоҷикистон ва дигар мукофотҳои давлатӣ сарфароз гардонида шудааст.

Табрикотҳо

Табрикоти ректори донишгоҳ, профессор Шарифзода Муъмин Машокир ба ифтихори Рўзи Артиши миллии…

Устодону донишҷўёни арҷманд! Мардуми сарбаланди кишвар бо ифтихор аз матонату мардонагии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки ҳанўз дар солҳои барои давлату миллат…
Read More...

Табрикоти солинавии ректор, профессор Шарифзода Муъмин Машокир

Муҳтарам ҳамкорон, устодон ва донишҷўёни гиромӣ! Бо камоли эҳтиром ва самимияти афзун ҳамаи Шуморо бо фарорасии Соли нави мелодии 2021 сидқан табрику муборакбод менамоям. Соли 2020 дар кишварамон бо воқеаи сарнавиштсози таърихӣ…
Read More...

Табрикоти ректор, профессор Шарифзода Муъмин Машокир ба шарафи Рўзи Парчами миллӣ

 Мо, имсол Рўзи Парчами давлатиамонро зери таассуроти хурсандибахш аз тантанаи ҷашнҳои муқаддас – Рўзи  Президенти Ҷумҳурии Тоҷикистон, 28-солагии Иҷлосияи XVI ва дастовардҳои фараҳбахшу беназири соҳаҳои  мухталифи  хоҷагии халқи мамлакат…
Read More...

Табрикоти ректор,

Мардуми шарифи Тоҷикистон дар мисоли рӯзгори пуртаззоди худ шахсияти наҷотбахш ва тавоное дарёфт,  ки  ба шарофати хидматҳои таърихӣ  роҳи наҷотро ба даст овард. Ин фарди наҷотбахш фарзанди барӯманди халқи тоҷик Эмомалӣ Раҳмон мебошанд ва…
Read More...
[contact-form-7 id=”5″]