Бахши кор бо ҷавонон

Мудири бахши кор бо ҷавонони Донишгоҳи давлатии ҳуқуқ, бизнес ва сиёсати Тоҷикистон Бобоҷонов Ғайратҷон Мансурҷонович

Қабул гардидани Қонуни Ҷумҳурии Тоҷикистон «Дар бораи ҷавонон ва сиёсати давлатии ҷавонон» аз 13 марти соли 1992, Фармони Президенти Ҷумҳурии Тоҷикистон аз 23 майи соли 1997 «Дар бораи тадбирҳои беҳтар намудани кор бо ҷавонон» ва дар ҳамин замина таъсис ёфтани Кумитаи кор бо ҷавонон ва варзиши назди Ҳукумати Ҷумҳурии Тоҷикистон, қабул гардидани Барномаи миллии «Ҷавонони Тоҷикистон барои солҳои 1999 – 2000» (05.10.1998.),  Барномаи миллии «Ҷавонони Тоҷикистон барои солҳои 2001 – 2003» (соли 2001), таъсис додани ҷоизаи ба номи Исмоили Сомонӣ (20.03.1998.), Фармони Президенти Ҷумҳурии Тоҷикистон Эмомалӣ Раҳмон «Дар бораи таъсиси стипендияҳои Президенти Ҷумҳурии Тоҷикистон барои хонандагони мактабҳои таъсилоти ҳамагонӣ, литсейҳо, гимназияҳо, омӯзишгоҳҳои касбӣ – техникӣ, техникумҳо ва коллеҷҳо» (26.02.1998.), 23 майи соли 1998 расман эълон гардидани Рӯзи ҷавонон, доир гаштани фестивалҳои дӯстии ҷавонон дар даврони  Истиқлолият, ду маротиба ташриф овардани Асосгузори сулҳу ваҳдати миллӣ – Пешвои миллат, муҳтарам Эмомалӣ Раҳмон ба Донишгоҳи давлатии ҳуқуқ, бизнес ва сиёсати Тоҷикистон (09.09.2008 ва 05.08.2011.) ва ғайра далели он аст, ки ҳаёти ҷавонони кишвар ва фаъолияти пурсамари онҳо дар мадди назари доимии  Ҳукумати Ҷумҳурии Тоҷикистон қарор дорад.

Ба тасвиб расидани Фармони Президенти Ҷумҳурии Тоҷикистон Ҷаноби Олӣ муҳтарам Эмомалӣ Раҳмон таҳти №727 дар бораи таъсис додани Кумитаи ҷавонон, варзиш ва сайёҳӣ ва дар ин замина дар муассисаҳои таҳсилоти олии кишвар таъсис ёфтани Созмонҳои ҷавонон ба насли ҷавони кишвар рӯҳу илҳоми тоза бахшид.

Дар иртибот ба фармоиши мазкур дар Донишгоҳи давлатии ҳуқуқ, бизнес ва сиёсати Тоҷикистон Созмони ҷавонон ба ҳайси сохтори мустақил ба фаъолият шурўъ намуд, ки тайи солҳои гуногун шахсони зерин роҳбарӣ кардаанд: Ғиёсов Рустамҷон Раҳматуллоевич (1994 – 1998), Ғозиев Аҳадхон Аҳмадхонович (1998 – 1999), Ҷӯрабоев Ҷамшед Ҳабибуллоевич (1999 – 2000), Дадоматов Далер Нишонбоевич (2000 – 2003), Хонхоҷаев Фаррухҷон Тошхоҷаевич (2003 – 2008), Саидов Шӯҳратҷон Шукурович (26.08.2008 – 19.11.2008), Ҳасанов Маруфҷон Маҳмудович (11.2009 – 08.2012), Бобоҷонов Ғайратҷон Мансурҷонович (02.2013 – 01.2015), Исомитдинов Ҷумабой Ҷўрабекович (02.2015 – 06.2017).

Сипас, созмони мазкур тағйири ном карда, бахши кор бо ҷавонон унвон гирифт ва аз моҳи августи соли 2017 инҷониб роҳбарии бахшро Бобоҷонов Ғайратҷон Мансурҷонович ба зимма дорад.

Самтҳои фаъолияти бахши кор бо ҷавонон:

-дар амал татбиқ намудани санадҳои меъёрию ҳуқуқии Ҳукумати мамлакат, дастуру супоришоти ВМИҶТ, Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва раёсати донишгоҳ вобаста ба сиёсати давлатии ҷавонон;

-баргузор намудани чорабиниҳои мухталиф ҷиҳати тарбияи ҷавонон дар рўҳияи худшиносию худогоҳии миллӣ, ватандўстӣ, арҷгузорӣ ба арзишҳои миллию фарҳангӣ;

-ташкил намудани мизҳои мудаввар, сўҳбатҳо доир ба ҷашнвораҳо;

-дарёфти усулҳо ва тарҳрезии нақшаҳои нав ҷиҳати ҷалби ҷавонон ба корҳои созандагию ободкорӣ;

-тарғибу ташвиқи эҳсоси ватанпарастии ҷавонон тавассути васоити ахбори омма;

-ташкил ва назорати фаъолияти зерсохторҳо (Шӯрои донишҷӯён, Созмони ҷавонони факултетҳо);

-дар байни донишҷўён ташаккул додани муносибатҳои эҷодӣ нисбат ба таълим ва фаъолияти ҷамъиятию меҳнатӣ;

-дар ташкил ва такмили ҷараёни таълиму тарбия ёрии амалӣ расонидан ба раёсат ва ҳайати профессорону омўзгорон;

-фаъолгардонии кори созмонҳои ҷамъиятӣ, амалӣ намудани мақсад ва вазифаи оинномавии онҳо кўмак намудан;

-баланд бардоштани сатҳи маърифатнокии ҷавонон, мусоидат дар таъмини  шароити фарҳангию фароғатӣ, илмию варзишӣ ва самтҳои дигари фаъолияти ҷавонон;

-густариши робитаҳои судманд бо созмонҳои ҷавонони ҷумҳурӣ ва ғайра.

 Телефонҳо барои тамос: 8342222563 –корӣ, 92-600-29-49- мобилӣ

Этот адрес электронной почты защищен от спам-ботов. У вас должен быть включен JavaScript для просмотра. 

http://www.zoofirma.ru/