Литсейи Донишгоҳ

 Ачилов Мансур Музаффарович – директори литсей

Литсейи Донишгоҳи давлатии ҳуқуқ, бизнес ва сиёсати Тоҷикистон бо ташаббуси ректори ДДҲБСТ ва дастгирии бевоситаи Вазири маориф ва илми Ҷумҳурии Тоҷикистон, Раиси вилояти Суғд, Раёсати маорифи вилоят ва бо қарори Шўрои олимони донишгоҳ №3 аз 03.10.2010 аз 1 сентябри соли 2011 дар пояи моддию техникии донишгоҳ ба фаъолият оғоз намуд.

Мақсади асосии таъсис додани литсей:

амалӣ гардонидани барномаҳои таҳсилоти умумии ибтидоӣ, асосӣ ва миёнаи умумӣ бо мукаммал омўхтани фанҳои математика, физика, химия, биология, технологияи иттилоотӣ ва забони русию англисӣ;

- дар сатҳи баланд дастрас намудани дониш ва омода намудани хонандагон аз фанҳои дақиқ ва омўзиши амиқи фанҳои русию англисӣ;

- мусоидат намудан барои идома додани таҳсили хонандагон дар Донишгоҳи давлатии ҳуқуқ, бизнес ва сиёсати Тоҷикистон, мактабҳои олии дигари ҷумҳурӣ ва давлатҳои хориҷӣ ва муассисаҳои таҳсилоти миёнаи касбӣ;

Дар давоми фаъолият литсейро 153 нафар хонандагони синфи 11 хатм намуданд, ки 113 нафари онҳо ба мактабҳои олии Ҷумҳурии Тоҷикистон, ба хусус ба ДДҲБСТ ва 17 нафари онҳо ба мактабҳои олии хориҷи кишвар дохил шуданд.

Дастовардҳо: Дар соли таҳсили 2016-2017 дар миқёси шаҳр 11 нафар хонандагон аз фанҳои забон ва адабиёти тоҷик, математика, забони русӣ, технологияи иттилоотӣ, география ва забони англисӣ ҷойҳои 1,2,3-ро ишғол намуда, барои иштирок дар Олимпиадаи вилоятӣ аз фанни забони русӣ ва технологияи иттилоотӣ иштирок намуда, сазовори ҷойи сеюм гардиданд, як нафар хонандаи литсей Қаюмова Малика аз фанни забони русӣ дар Олимпиадаи ҷумҳуриявӣ иштирок намуд. Дар сессияи шаҳрии Академияи хурди илмҳо 16 нафар хонандагони литсей аз баромад намуда, 10 нафар хонандагони литсей аз фанҳои таърих, ҳуқуқ, математика, химия, забони русӣ ва забони англисӣ сазовори ҷойҳои ифтихорӣ гардиданд. Дар сессияи ҷумҳуриявӣ бошад, 4 нафар хонандагон иштирок намуда, аз онҳо 2 нафар соҳиби ҷойи якум (Амонов Амонбой – хонандаи синфи 10 аз фанни адабиёти тоҷик ва Мирзобеков Насрулло – хонандаи синфи 11 аз фанни ҳуқуқ)ва ду нафар соҳиби ҷойи дуюм (Бурҳонова Шаҳзода – хонандаи синфи 9 аз фанни забони русӣ ва Норматов Муҳаммадшариф аз фанни таърих)гаштанд. Хонандаи синфи 11 Почоев Одил арзандаи Идрорпулии Раиси шаҳри Хуҷанд ва Амонов Амонбой хонандаи синфи 10 а гирандаи Идрорпулии Президенти Ҷумҳурии Тоҷикистон гаштанд.

Дар литсей айни замон 29 нафар омӯзгорон, аз онҳо: 1 нафар номзади илми математика, 7 нафар Аълочии маорифи Тоҷикистон, 12 нафар дорои тахассуси олӣ ба кори таълиму тарбияи хонандагон машғуланд.

Барои таълими босифати фанҳо дар литсей 32 адад компютери замонавӣ, 3 адад принтер,4 адад видео проектор ва 1 адад тахтаи электронӣ мавҷуданд.

Суроға: ш. Хуҷанд, микроноҳияи 27, хонаи 1.

тел: 5- 42- 09 (почтаи электронӣ Этот адрес электронной почты защищен от спам-ботов. У вас должен быть включен JavaScript для просмотра.

http://www.zoofirma.ru/