ШЎРОИ ОЛИМОНИ ҶАВОНИ ДОНИШГОҲ

      Шўрои олимони ҷавони донишгоҳ аз соли 1999 то имрўз амал менамояд. Аввалин раиси Шўрои олимони ҷавони донишгоҳ имрўза ректори донишгоҳ д.и.т., профессор Ҷўразода Ҷамшед Ҳабибулло ба ҳисоб рафта, дар давраи фаъолияти ў дар самти корҳои илмӣ-тадқиқотии олимони ҷавон корҳои назаррас ба анҷом расиданд.

Шўрои олимони ҷавон дар тобеияти Раёсати илм ва инноватсия қарор гирифта, кори он хусусияти ҷамъиятӣ дошта, дар назди Шўрои олимони донишгоҳ намояндагии худро дорад. Асосан, фаъолияти шўро ба самти корҳои илмӣ-тадқиқотӣ ва инноватсионӣ нигаронида шуда, дар ҳамкорӣ бо сохторҳои илмӣ-тадқиқотӣ ва иштироки бевоситаи омўзгорони ҷавон, аспирантон ва унвонҷўён амалӣ карда мешавад. Шўро бо мақсади тақвияти фаъолияти илмии олимони ҷавони донишгоҳ мунтазам бо сохторҳои илмӣ-тадқиқотӣ ва пажўҳишии марказу донишгоҳҳои дигар робита барқарор менамояд.

Дар зерсохтори шўрои олимони ҷавон дар шаш факултети донишгоҳ шўрои олимони ҷавон амал менамояд.

Шўрои олимони ҷавон бо мақсади баланд бардоштани малакаи суханварӣ, фикрронӣ ва такмили донишҳои илмии олимони ҷавони донишгоҳ моҳи январи соли равон дар назди шўро маҳфили олимони ҷавон бо номи «Илм ва ҷомеаи муосир» таъсис намуд, ки тибқи нақша то имрўз бо иштироки олимони ҷавон ва устодони варзидаи донишгоҳ 5 маротиба маҳфил гузаронида шуд. Дар маҳфили панҷум, ки санаи 18 май баргузор шуд, н.и.ф., дотсент Ислом Раҳимов аз рўи мавзўи «Оини ҷавонмардии тоҷикон», маърўзаи пурмўҳтаво намуд. Дар маҳфил то имрўз устодони ботаҷрибаи донишгоҳ профессор О. Зоҳидов ва дотсентон А. Орипов, С. Саидов, Н. Ғиёсов, Р. Ахмедов, И. Раҳимов ва дигарон иштирок намуда, ба маҳфил маънои тозае мебахшанд.

Шўрои олимони ҷавони донишгоҳ санаи 18-уми марти соли 2016 дар донишгоҳ конференсияи илмию амалии донишгоҳии олимони ҷавон, аспирантон, унвонҷўён ва магистрантон таҳти унвони «Ҷавонон ва равандҳои ҷомеаи имрўза» бо доираи васеи устодону олимон ва донишҷўён доир намуд. Дар ҷаласаи пленарии конференсия ассистенти кафедраи ҳуқуқи конститутсионӣ Қадриддин Сулаймонов дар мавзўи «Заминаҳои ҳуқуқии мубориза бар зидди ифротгароӣ ва терроризм дар Паёми Президенти Ҷумҳурии Тоҷикистон Эмомалӣ Раҳмон», дотсенти кафедраи сиёсатшиносӣ Шўҳрат Саидов доир ба мавзўи «Зиракӣ ва ҳушёрии сиёсӣ заминаи раҳоӣ аз фиреби сиёсӣ», ассистентон Ғайрат Бобоҷонов дар мавзўи «Абўиброҳим Мунтасир-муборизи барқарорсозии давлати Сомониён» ва Заррина Раҳматалиева оид ба “Иқтисодиёти Тоҷикистон дар шароити бўҳрони иқтисодӣ” маърўза намуданд. Дар фарҷом доири мавзўъҳо баҳсу мунозира сурат гирифт. Сипас тибқи барнома конференсия кори худро дар бахшҳои гуманитарӣ, ҷомеашиносӣ, иқтисодиёт ва идоракунии хоҷагии халқ, молия ва қарз идома бахшида, 46 маърўзаҳо мавриди баррасӣ қарор гирифтанд. Чанде пеш маҷмўаи мақолаҳои конференсия ба табъ расид.

Аз моҳи ноябри соли 2015 баъди ба вазифаи раиси шўрои олимони ҷавони донишгоҳ таъин шудани н.и.с., дотсент Ш.Саидов кори Шўрои олимони ҷавони донишгоҳ ба худ сифати нав касб намуд, ки фаъолияти босамари шўрои мазкур дар соли хониши 2015-2016 шаҳодати ин гуфтаҳо мебошад.

http://www.zoofirma.ru/