Саҳифаи довталаб

ДОНИШГОҲИ МО – РОҲНАМОИ ШУМО БА ОЯНДАИ НЕК!

         Донишгоҳи давлатии ҳуқуқ, бизнес ва сиёсати Тоҷикистон самараи неки даврони Истиқлолият буда, меҳвари кору пайкори ҳайати устодону профессорони донишгоҳро татбиқи сиёсати маънавибунёди Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар соҳаи маориф, тарбияи насли созанда, баланд бардоштани сифати таълиму тарбия ташкил медиҳад. 

Донишгоҳ 5 октябри соли 1993 таъсис ёфта, тўли мавҷудияташ ба яке аз муассисаҳои бонуфузи илм ва маорифи кишвар табдил ёфт. Ин аст, ки тибқи мониторинги Вазорати маориф ва илми Ҷумҳурии Тоҷикистон  донишгоҳ байни 33 донишгоҳҳои олии касбии мамлакат ба қатори даҳгонаи беҳтарин дохил гардид.

Имрўз дар сохтори донишгоҳ 6 факултет, 3 бинои таълимӣ,  китобхонаи илмӣ ва электронӣ, хобгоҳ, 4 нуқтаи хўроки умумӣ, 125 аудитория, 11 лабораторияи таълимӣ, кабинетҳои махсусгардонидашудаи таълимӣ, толорҳои барҳаво ба хизмати донишҷўён вогузор шудааст.

Дар  донишгоҳ магистратура, аспирантура, докторантура, Маркази таълимии “Маърифат” ва маркази омўзиши забонҳои хориҷӣ, минтақаи таҷрибавию истеҳсолӣ, Парки технологӣ,  маҷмааи варзишӣ, литсей амал мекунанд.

Таҷрибаомўзии истеҳсолии донишҷўён дар мақомоти иҷроияи ҳокимияти давлатӣ, ҳифзи ҳуқуқ, идораҳои нотариалӣ, бонкҳо, сафоратхонаҳо ва корхонаву ташкилотҳои гуногун тибқи шартномаҳои ҳамкорӣ ба роҳ монда мешавад. Имрўз дастпаварони донишгоҳ дар соҳаҳои мухталифи хоҷагии халқи мамлакат ва берун аз он - дар мақомоти қудратӣ, ҳифзи ҳуқуқ, ташкилоту созмонҳои байналхалқӣ, сохторҳои молиявӣ, корхонаҳои истеҳсолӣ фаъолияти пурсамар доранд.

Ба раванди таълиму тарбия устодони варзидаи соҳаҳои мухталиф ҷалб гардида, аз 376  нафари ҳайати умумии омўзгорони донишгоҳ 142 нафарро кормандони дорои унвон ва дараҷаҳои илмидошта ташкил медиҳанд. Аз љумла, 19 нафар докторони илм ва 123 нафар номзадҳои илм мебошанд.

Ҳамзамон, ба раванди таълиму тарбияи муҳассилин олимону устодон аз хориҷи кишвар ҷалб карда шуда,  дар соли 2017 олимон аз Германия, Шветсия, Ҳиндустон, Қазоқистон ДААД даъват гардиданд ва аз фанҳои тахассусӣ дар як муддати муайян ба донишҷўён машѓулиятњои лексия гузарониданд.

Алҳол, дар донишгоҳ 6466 донишҷў аз тамоми манотиқи кишвар ба таҳсил фаро гирифта шудаанд. Ҳамчунин, донишҷўён аз давлатҳои хориҷи дуру наздик - Туркманистон, Ўзбекистон, Қирғизистон ва Кореяи Ҷанубӣ таҳсил мекунанд.

         Донишгоҳ бо 54 муаасисаҳои илмию таълимии ватанию хориҷӣ шартномаи ҳамкорӣ дошта, аъзои Донишгоҳи СҲШ ва лигаи донишгоҳии СААД мебошад.

Шиори мо - тахассуси баланд, шароити мусоид фароҳам овардан барои таҳсил ва илми донишҷӯён буда, дониш ҳамчун мазҳари саодат дар нишон ва суруди донишгоҳи мо инъикоси барҷаста ёфтааст.

Рамзи донишгоҳ дар Маркази миллии тестии назди Президенти Ҷумҳурии Тоҷикистон таҳти 110 қарор дорад.

Марҳамат,  ба донишгоҳи мо!

 ФАКУЛТЕТҲОИ ДОНИШГОҲ

ҲУҚУҚШИНОСӢ. Факултети ҳуқуқшиносӣ аз рўзҳои аввали таъсисёбии донишгоҳ фаъолият дошта, аз рўи ихтисосҳои 1-24 01 02 -ҳуқуқшиносӣ, 1-24 01 01-ҳуқуқи байналмилалӣ, 1-24 01 03-ҳуқуқи иқтисодӣ ҳуқуқшиносони баландихтисос барои мақомоти ҳифзи ҳуқуқ ва сохторҳои қудратии ҷумҳурӣ, мақомоти иҷроияи ҳокимияти давлатӣ, ташкилоту корхона ва муассисаҳо, яъне судяҳо, прокурорҳо, адвокатҳо, муфаттишон, нотариусҳо, маслиҳатчиёни ҳуқуқшинос ва ғайра тайёр менамояд. Пас аз хатми таҳсил ба хатмкунандагон дипломи намунаи давлатӣ аз рўи ихтисоси «ҳуқуқшиносӣ» дода мешавад.

     Дар факултет аз рўи ихтисоси ҳуқуқи умумӣ ва тахассусмандӣ: давлатшиносӣ, хизматчии давлатӣ, адолати судӣ ва назорати прокурорӣ, фаъолияти тафтишотӣ, танзим ва ҳуқуқи муносибатҳои гражданӣ, танзими ҳуқуқи муносибатҳои соҳибкорӣ ва байналмилалӣ раванди таълим ба роҳ монда шудааст.

Шакли таҳсил: тариқи рўзона (мўҳлати таҳсил 4 сол), фосилавӣ (4 сол), маълумоти олии дуюм (мўҳлати таҳсил 3 сол), магистратура (мўҳлати таҳсил 2 сол).

БИЗНЕС ВА ИДОРАКУНӢ. Соли 1993 факултети бизнес ва иқтисоди ҷаҳонӣ ташкил ёфт. Бо қарори Шўрои олимони донишгоҳ дар заминаи ин факултет соли 2007 факултети бизнес ва идоракунӣ таъсис дода шуд. Факултети номбурда мутахассисонро аз рўи ихтисосҳои 1-25 01 07-иқтисодиёт ва идоракунии корхона, 1-26 01 01 – идораи давлатӣ, 1-26 02 02-менеҷмент,  1-26 02 03.-маркетинг, 1-26 02 01-бизнес-маъмуриятчӣ, 1-25 01 03 - иқтисодиёти ҷаҳонӣ омода мекунад.

Шурўъ аз соли 2013 аз рўи ихтисосҳои 1-25. 01. 07 - иқтисодиёт ва идоракунии корхонаҳо; 1-26.02.02-01 – менеҷмент, 1-26.02.03 - маркетинг, 1-25.01.03-иқтисодиёти ҷаҳонӣ факултет магистрантонро тайёр менамояд.

Хатмкунандагони факултет метавонанд дар ҷамоатҳо, мақомоти иҷроияи ҳокимияти давлатии шаҳру ноҳияҳо, муассиса ва корхонаҳои давлатӣ, вазоратҳо фаъолият баранд.

МОЛИЯ. Факултети молия соли 1996 ҳамчун факултети сеюм дар донишгоҳ пас аз факултетҳои ҳуқуқ ва муносибатҳои байналхалқӣ, бизнес ва иқтисоди ҷаҳонӣ фаъолият дорад. Факултет мутахассисонро аз рӯи ихтисосҳои  1-25 01 04-молия  ва қарз, 1-25 01 04 02-кори  бонкӣ тайёр менамояд, ки дар сохторҳои гуногуни молиявӣ, корхонаҳо, ширкатҳо, мақомоти идоракунии давлатӣ, ташкилотҳои бонкию қарзӣ, ташкилотҳои фаъолияташон бурунмарзӣ ва муассисаҳои илмӣ фаъолият бурда метавонанд.

Шакли рўзона ва  фосилавии таълим 4 - сола буда, барои тайёр намудани мутахассиси баландихтисос имконият медиҳад.

ИННОВАТСИЯ ВА ТЕЛЕКОММУНИКАТСИЯ. Факултети инноватсия ва телекоммуникатсия дар заминаи факултети инноватсия  мутахассисонро вобаста ба самтҳои 1-40 01 01 02-системаҳои автоматикунонидашуда, 1-31 03 04 08-WEB-дизайн ва графикаи компютерӣ, 1-40 01 02 02-технология ва низоми иттилоотӣ (дар иқтисодиёт), 1-45 01 01 03-технологияи иттилоотию идоракунии телекоммуникатсионӣ тайёр менамояд.

Хатмкунандагони факултет баъди хатми донишгоҳ метавонанд, дар самтҳои иқтисодиёт, муҳандис - барномасоз дар фаъолияти бонкӣ, барномасоз дар соҳаи низоми иттилоотӣ, дар корхонаҳо, пажўҳишгоҳҳои илмию таҳқиқотӣ фаъолият намоянд.

СИЁСАТШИНОСӢ ВА МУНОСИБАТХОИ БАЙНАЛХАЛҚӢ. Факултети сиёсатшиносӣ ва муносибатҳои байналхалқӣ соли 2002  таъсис ёфтааст.  Дар факултет мутахассисон аз рўи ихтисосҳои 1-21 03 01-05 –таърих (сиёсатшиносӣ), 1-23 01 01-муносибатҳои байналхалқӣ (дипломатия), 1-96 01 01-хадамоти гумрук,  1-23 01 02 04-таъминоти забонии робитаҳои байнифарҳангӣ (муносибатҳои сиёсии берунӣ), 1-23 01 02 02-таъминоти забонии робитаҳои байнифарҳангӣ (сайёҳии байналмилалӣ), 1-23 01 02 05-таъминоти забонии робитаҳои байнифарҳангӣ (робитаҳои иқтисодии берунӣ) омода карда мешаванд.

Хатмкардагони факултет  метавонанд ба ҳайси референт, тарҷумон, тарҷумони забонҳои арабӣ ва ҳамзамон дар  хадамоти гумрук, мақомоти ҳокимияти маҳаллӣ, вазорату идораҳо вобаста ба самти ихтисоси хатмкардаашон фаъолият намоянд.

ФАКУЛТЕТИ БАҲИСОБГИРӢ ВА АНДОЗ. Дар факултети баҳисобгирӣ ва андоз аз рўи ихтисосҳои зерин мутахассисон тайёр карда мешаванд: 1-25 01 08 – баҳисобгирии бухгалтерӣ, таҳлил ва аудит; 1-25 01 11 - аудит ва ревизия; 1-40 01 02 02 01-технологияҳои иттилоотии ҳисоби бухгалтерӣ, 1-25 01 04 03-андоз ва андозбандӣ.

  Таҳсил дар магистратура аз рўи ихтисосҳои 1-25 01 08 – баҳисобгирии бухгалтерӣ ва аудит ва 1-25 01 04 03 – андоз ва андозбандӣ ба роҳ монда шудааст.

  Хатмкунандагони факултет пас аз хатм дар вазифаҳои мухталифи идоракунии Мақомоти иҷроияи ҳокимияти давлатии вилояти Суғд ва ҷумҳурӣ, роҳбарони корхонаю ташкилотҳои давлатию хусусӣ, ташкилотҳои қарзӣ, мақомотҳои назоратию ревизионӣ, ширкатҳои аудиторӣ ва мақомотҳои андоз  метавонанд кору фаъолият баранд.

 

ИНТИХОБИ ДУРУСТИ ИХТИСОСҲОИ ИМРЎЗ –

САРЧАШМАИ САОДАТУ ХУРРАМИИ ФАРДОСТ!

Р\т

Рамзи ихтисос

Номи ихтисос

Забон

Намуд

Кластери 1- «Табиӣ ва техникӣ»

1.

1-40.01.01.02

Системаҳои автоматикунонидашуда

Тоҷикӣ

Русӣ

Рўзона

Фосилавӣ

2.

1-45.01.01.03

Технолияи иттилоотию идоракунии телекоммуникатсионӣ

Тоҷикӣ

Русӣ

Рўзона

3.

1-31 03 04 08

WEB-дизайн ва графикаи  компютерӣ

Тоҷикӣ

Рўзона

4.

1-40 01 02 02 01

Технологияи иттилоотии ҳисоби бухгалтерӣ

Тоҷикӣ

Рўзона

 Кластери 2- «Иқтисодӣ ва география»

1.

1-25 01 03

Иқтисодиёти ҷаҳонӣ

Тоҷикӣ

Русӣ

Рўзона

Фосилавӣ

2.

1-40 01 02 02

Технология ва низоми иттилоотӣ (дар иқтисодиёт)

Тоҷикӣ

Русӣ

Рўзона

Фосилавӣ

3.

1-25 01 04

Молия ва қарз

Тоҷикӣ

Русӣ

Рўзона

Фосилавӣ

4.

1-25 01 11

Аудит ва ревизия

Тоҷикӣ

Русӣ

Рўзона

Фосилавӣ

5.

1-26 01 01

Идораи давлатӣ

Тоҷикӣ

Русӣ

Рўзона

Фосилавӣ

6.

1-26 02 01

Бизнес - маъмуриятчигӣ

Тоҷикӣ

Рўзона

Фосилавӣ

7.

1-96 01 01

Хадамоти гумрукӣ

Тоҷикӣ

Рўзона

Фосилавӣ

8.

1-25 01 04 02

Кори бонкӣ

Тоҷикӣ

Русӣ

Рўзона

Фосилавӣ

9.

1-25 01 04 03

Андоз ва андозбандӣ

Тоҷикӣ

Рўзона

Фосилавӣ

10.

1-25 01 07

Иқтисодиёт  ва идора дар корхона

Тоҷикӣ

Рўзона

Фосилавӣ

11.

1-25 01 08

Баҳисобгирии бухгалтерӣ, таҳлил ва аудит

Тоҷикӣ

Русӣ

Рўзона

Фосилавӣ

12.

1-26 02 02

Менеҷмент

Тоҷикӣ

Рўзона

Фосилавӣ

13.

1-26 02 03

Маркетинг

Тоҷикӣ

Рўзона

Фосилавӣ

 Кластери 3- «Филология, педагогика ва санъат»

1.

1-23.01.02.04

Таъминоти  забонии робитаҳоибайнифарҳангӣ (муносибатҳои сиёсииберунӣ)

Тоҷикӣ

Рўзона

 

2.

1-23 01 02 02

Таъминоти забонии робитаҳои байнифарҳангӣ (сайёҳии байналмилалӣ)

Тоҷикӣ

Рўзона

 

3.

1-23 01 02 05

Таъминоти забонии робитаҳои байнифарҳангӣ (робитаҳои иқтисодии берунӣ)

Тоҷикӣ

Рўзона

 

 Кластери 4- «Ҷомеашиносӣ ва ҳуқуқ»

1.

1-23 01 01

Муносибатҳои байналмилалӣ (дипломатия)

Тоҷикӣ

Русӣ

Рўзона

Фосилавӣ

2.

1-24 01 02

Ҳуқуқшиносӣ

Тоҷикӣ

Русӣ

Рўзона

Фосилавӣ

3.

1-24 01 01

Хуқуқи байналмилалӣ

Тоҷикӣ

Русӣ

Рўзона

Фосилавӣ

4.

1-24 01 03

Хуқуқи иқтисодӣ

Тоҷикӣ

Русӣ

Рўзона

Фосилавӣ

5.

1-21 03 01 05

Таърих (сиёсатшиносӣ)

Тоҷикӣ

Рўзона

Фосилавӣ

6.

1-23 01 06 02

Сиёсатшиносӣ

Тоҷикӣ

Рўзона

Фосилавӣ

 ДОНИШҶЎЁНИ МО ДАР ХОРИҶИ КИШВАР

         Имрўз донишгоҳ бо 54 муассисаҳои илмӣ ва таълимии кишварҳои хориҷӣ:  Русия, ИМА, Ҳиндустон, Ҷопон, Финляндия, Украина, Белорусия, Хитой, Қазоқистон ва Қирғизистон дар асоси шартнома ҳамкорӣ дорад.

         Бо кўмаки Маркази Конфутсий то имрўз 7 нафар донишҷў ва 5 нафар омўзгор барои омўхтани забони хитоӣ ба Ҷумҳурии Мардумии Чин сафарбар шуданд. Дар доираи ҳамкорӣ бо Донишгоҳи Созмони ҳамкории Шанхай   бурсияҳо  ҷудо гардида,  имрўзҳо 17 донишҷў ва 1 унвонҷў барои таҳсил дар магистратураи Донишгоҳҳои Русия фиристода шуданд. Инчунин 23 нафар донишҷӯ барои таҳсил ба Донишгоҳи “Нархоз”-и Ҷумҳурии Қазоқистон сафарбар  карда шуданд.

         Умуман, дар донишгоҳ табодули донишҷўён бо донишгоҳҳои ҳамкор хуб ба роҳ монда шуда, айни замон 15 донишҷў ва омўзгор дар заминаи барномаҳои табодул дар донишгоҳҳои хориҷи кишвар таҳсил доранд.

 ДОНИШҶӮЁН ДАР МАСИРИ ТАРБИЯ

         Бо мақсади ба роҳ мондани тарбияи эстетикӣ, завқи зебоипарастӣ, меҳнатдўстӣ ва  фароҳам овардани шароити мусоид барои истироҳату фароғати  донишҷўён дар донишгоҳ маҳфилҳои ҳунарии дастаи созию овозии “Ошёни меҳр”,  театр-студияи “Парвози истеъдод” ва гурўҳи рақсии “Хушхиром”, маҳфили дўзандагии «Дастони моҳир», «Атлас ва адрасбофӣ», маҳфили донишҷўён дар соҳибкории озод  (Enactus) , хушдилон ва ҳозирҷавобон (КВН) амал мекунанд. 

Осорхонаи таърихии донишгоҳ макони беҳтарин барои сайри таърихии дирўз ва имрўзи донишгоҳамон ба ҳисоб меравад. Дар тарбия ва густариш бахшидани ҳисси ватанпарастӣ, худогоҳӣ, ҳифзи анъанаҳои неки донишгоҳ Осорхонаи донишгоҳ низ саҳм мегирад.

         Ҷиҳати баланд намудани сатҳи маърифатӣ – фарҳангии устодону донишҷўён моҳномаи «Маъвои хирад» нақши муассир дорад. Ҷиҳати ҳамоҳангсозии фаъолияти тарбиявӣ тариқи радио ва телевизиони дохилидонишгоҳӣ, телевизионҳои давлатию маҳаллӣ барномаи моҳонаи иттилоотии «Набзи донишгоҳ», сюжетҳо роҷеъ ба ҳамоишҳои илмию таълимӣ, маърифатию фарҳангӣ оид ба масоили мухталифи таълиму тарбия, илм, санаҳои таърихӣ, бузургдоштҳо пахш мегарданд. 

Бо мақсади тарғиби тарзи ҳаёти солим дар маҷмааи варзишии назди донишгоҳ маҳфилу сексияҳои мухталифи варзишӣ, аз қабили волейбол, футбол, теннис ва варзиши сабук амал менамояд. Натиҷаи ширкати донишҷўён дар мусобиқаҳо, спартакиадаҳо боиси ноил гаштан ба дастовардҳои назаррас гардида, танҳо дар соли сипаригашта 13 нафар бо медали тилло, 45 нафар бо медали нуқра, 44 нафар бо медали биринҷӣ сарфароз гардиданд.

 КИТОБХОНАИ ИЛМӢ

        Соли 1993 ташкил шуда, хизматрасонии таълимӣ, иттилоотӣ, тарғиби мероси фарҳангӣ, таҳкими пойгоҳи иттилоотии татқиқоти илмӣ ва таҳсилотро дар ҳамкории зич бо махзанҳои иттилоотӣ ва китобхонаҳои маъмуливу электронии ватаниву хориҷӣ ба роҳ мондааст. Айни замон  ин махзани китоб 28473 нусха адабиётро дорост. Дар бинои китобхонаи илмии донишгоҳ ҳамзамон китобхонаи электорӣ амал мекунад. Китобхонаи электронӣ соли 2009 ташкил ёфта, дар хазинаи он 125661 адад маводҳои иттилоотӣ мавҷуд аст.

ХОБГОҲ

         Барои таъмини шароити мусоиди зист бо ташаббуси роҳбарияти донишгоҳ соли 2008 хобгоҳи чорошёна барои 300 нафар донишҷў мавриди истифода қарор дода шуд. Аз маҷмўи 111 ҳуҷраи бинои хобгоҳ 54 ададашро ҳуҷраи дунафара ва 57 ададашро ҳуҷраи сенафара ташкил дода, барои таъмини осоишу фароғати бошандагон китобхона, утоқи компютерӣ, хонаи тафреҳ, ҳуҷраи дўзандагӣ, маҳфилҳои фарҳангӣ амал мекунанд. 

http://www.zoofirma.ru/