Муовини ректор оид ба илм ва инноватсия

Ризоқулов Тўрақул Рабимқулович –

муовини ректор оид ба корҳои илм ва инноватсия, доктори илмҳои иқтисодӣ, профессор

5 марти соли 1972 дар деҳаи Бурагени (ҳоло Фирдавсӣ) ноҳияи Шаҳристон таваллуд ёфтааст. Аълочии маорифи Чумҳурии Тоҷикистон. Аъзои Ҳизби Халқии Демократии Тоҷикистон. Маълумоташ олӣ. Оиладор.

Соли 1994 пас аз хатми факултети иқтисодии Донишгоҳи аграрии Тоҷикистон бо дипломи аъло, фаъолияти илмию педагогии худро дар Донишгоҳи давлатии Хуҷанд (ДДХ) ба номи академик Б. Ғафуров оғоз намудааст. 

Солҳои 1994 –1995 ба ҳайси муаллими кафедраи умумиқтисодии факултети иқтисодӣ, солҳои  1999 – 2000 сармуаллим, сониян, дотсенти кафедраи молия ва қарз, тайи солҳои 2000 – 2006 мудири кафедраи молия ва қарз, ҳамзамон ноиби декан оид ба корҳои илми факултети иқтисодӣ, соли 2008 мудири кафедраи молия, таҳлил ва омор, давоми солҳои 2009 – 2012 декани факултаи кибернетика,  2012 – 2014 мудири кафедраи баҳисобгирии муҳосибӣ ва аудити факултети молия ва иқтисодиёти бозори ДДХ ба номи академик Б. Ғафуров фаъолият менамояд.

Тайи солҳои 2014 – 2019 бо фармони Раиси Тоҷикматлубот тариқи гузариш ба сифати муовини директор оид ба илм ва инноватсияи Донишкадаи иқтисод ва савдои Донишгоҳи давлатии тиҷорати Тоҷикистон дар шаҳри Хуҷанд ифои вазифа намуд. 

Аз моҳи майи соли 2019 бо фармони Вазири маориф ва илми Ҷумҳурии Тоҷикистон ба вазифаи муовини ректор оид ба илм ва инноватсияи Донишгоҳи давлатии ҳуқуқ, бизнес ва сиёсати Тоҷикистон таъин гардид.

Солҳои 1995 – 1998 дар шуъбаи рўзонаи аспирантураи ДДХ ба номи академик Б. Ғафуров таҳсил намуда, соли 1999 рисолаи номзадиашро дар Шўрои диссертатсионии назди Донишгоҳи давлатии миллии Тоҷикистон аз рўи ихтисоси 08.00.01 – назарияи иқтисодӣ дифоъ менамояд. 

Давоми солҳои 2006 – 2008 ба вазифаи ходими калони илмӣ фаъолият намуда, соли 2009 рисолаи докториашро дар Шўрои диссертатсионии назди  Вазорати иқтисод ва савдои Ҷумҳурии Тоҷикистон ҳимоя карда, соли 2010 бо қарори КОА Федератсияи Русия соҳиби унвони доктори илмҳои иқтисодӣ мегардад.

Мавсуф, давоми солҳои 2010 – 2013 котиби Шўрои диссертатсионии К737.002.05 аз рўи равияи илмҳои иқтисодии назди ДДХ ба номи академик Б. Ғафуров, 2013 – 2016 аъзо ва роҳбари бахши назарияи иқтисодии Шўрои диссертатсионии номзадӣ ва доктории К 737.002.05 аз рўи илмҳои иқтисодии назди Донишгоҳи давлатии ҳуқуқ, бизнес ва сиёсати Тоҷикистон буд. Айни ҳол, аъзои Шўроҳои доктории К 999.031.03 аз рўи илмҳои иқтисодӣ ва 6D. КОА – 020 дар назди Донишгоҳи давлатии тиҷорати Тоҷикистон, Шўрои диссертатсионии  6D. КОА – 023 дар назди Донишгоҳи давлатии ҳуқуқ, бизнес ва сиёсати Тоҷикистон мебошад.

Ризоқулов Т. тўли фаъолияти хеш дар баробари омода кардани мутахассисони соҳа, дар тарбияи кадрҳои илмӣ саҳми арзанда гузошта, таҳти роҳбарииаш 14 нафар аспиранту унвонҷўён рисолаҳои илмӣ дифо намудаанд ва 2 нафар докторант,  9 нафар аспирант фаъолияти илмию таҳқиқотӣ мебаранд. 

Тўрақул Рабимқулович муаллифи зиёда аз 100 мақолаи илмӣ, 2 монография, 7 китоби дарсӣ, 9 дастури таълимию методӣ, иштирокчии якчанд конференсияҳои байналмилалӣ ва барномаи «Стандарти байналхалқии ҳисоботҳои молиявӣ» (СБҲМ) буда, бо тадқиқоти илмӣ дар рушди иқтисодӣ ва ҳалли муаммоҳои макроиқтисодӣ саҳмгузор аст. 

Барои фаъолияти пурсамари таълимӣ, илмӣ ва тарбиявӣ бо дараҷаи баланди ихтисоси «Муҳосиби – байналхалқӣ”, унвони Аълочии маъорифи Ҷумҳурии Тоҷикистон, Ифтихорномаи фахрии роҳбарияти Ҳизби халқии демократии Тоҷикистон қадршиносӣ шудааст.

 Суроғаи элек.: Этот адрес электронной почты защищен от спам-ботов. У вас должен быть включен JavaScript для просмотра.

Телефон: (+992) 3422 23594

Рўйхати таълифоти илмӣ

http://www.zoofirma.ru/