Май 2014

31 Май 2014

Савти дўстӣ

Дар таърихи 30 майи соли 2014 дар маҷлисгоҳи бинои асосии донишгоҳ ба ифтихори дахумин солгарди созмонёбии Маркази омўзиши Конфутсий ва қавитар намудани робитаи дўстии байни кишварҳои Чину Тоҷикистон барномаи фарҳангӣ баргузор гардид. Дар консерт савту навои хитоӣ дар иҷрои донишҷўёни муассисаҳои таҳсилоти олии касбии пойтахт, ки туфайли дастгирии Маркази омўзиши Конфутсийи Донишгоҳи миллии Тоҷикистон забони хитоиро омўхтаанд, садо доданд. Иштирокчиёни консерт- устодону мухассилини Донишгоҳи давлатии ҳуқуқ, бизнес ва сиёсати Тоҷикистон аз савту навои дилчаспи чинӣ як ҷаҳон ҳаловат бурданд. Бояд гуфт, ки барои гузаронидани чунин чораҷўии шавқовар интихоб гардидани донишгоҳамон ифодагари таваҷҷўҳи роҳбарияти Маркази омўзиши Конфутсий ба маъвои маърифатамон  аст. Дар хотимаи консерт ректори донишгоҳ Ҷамшед Ҷўрабоев ба роҳбарияти Маркази омўзиши Конфутсийи Донишгоҳи миллии Тоҷикистон барои таҳия ва пешкаши чунин барномаи ҷолиби консертӣ изҳори сипос намуда, тазаккур дод, ки ин тадбири муфид дар кори боз ҳам васеътар шудани доираи ҷаҳонбинии устодону донишҷўён мусоидат мекунад.

Читать далее

30 Май 2014

Сухан аз муаммо, ҳолат ва дурнамои инкишоф

Дар таърихи 29.05.2014 дар маҷлисгоҳи бинои асосии донишгоҳ ҷаласаи умумии конференсияи илмӣ-назариявии олимону устодон ва донишҷўёни донишгоҳ таҳти унвони «Рушди илмҳои иҷтимоӣ-иқтисодӣ дар замони муосир: муаммо, ҳолат ва дурнамои инкишоф» баргузор гардид. Дар ҳамоиши илмӣ олимону муҳаққиқон аз  муассисаҳои таҳсилоти олии касбӣ, намояндагони васоити ахбори омма, инчунин олимону устодон ва донишҷўёни донишгоҳ  иштирок доштанд. Ректори донишгоҳ Ҷамшед Ҷўрабоев бо суханони муқаддимавӣ ба кори конференсия  ифтитоҳ бахшида, аз ҷумла таъкид дошт: - Конференсияи илмию назариявии мо имрўз дар айёме баргузор мегардад, ки ҳар яки мо дар қайди таассуротҳои наҷиби аз Паёми Президенти Ҷумҳурии Тоҷикистон Ҷаноби Олӣ мўҳтарам Эмомалӣ Раҳмон ҳосилшуда кору зиндагӣ менамоем.

Читать далее

Чорабиниҳои шавқовар

Ба ифтихори 20-солагии Донишгоҳи давлатии ҳуқуқ, бизнес ва сиёсати Тоҷикистон аз 26 то 31 май Ҳафтаи кафедраи  математикаи олӣ ва моделсозӣ баргузор гардид. Барномаи Ҳафта аз чорабиниҳои шавқовари илмию таълимӣ – аз ҷумла аз ташкилу баргузории маҳфили «Математика - шоҳи фанҳо», сўҳбати атрофи мизи мудаввар дар мавзўи «Математика дар иқтисодиёт», дарсҳои кушоди омўзгорон Э. Ризоев, Р. Шодиева, дарси кушоди тарбиявии Ҳ. Атоева иборат гардида, доираи васеи устодону муҳассилинро фаро гирифт. Дар ташкилу баргузории чорабиниҳои Ҳафтаи фаннӣ мудири кафедра, дотсент Ё. Мўҳсинов, омўзгорон Н. Азимова, У. Ҷалилова, М. Раҳимова, М. Шойимқулов, С. Юсуфов,  Р.Шодиева, Ҳ. Атоева фаъолона саҳм гирифта, ба он мусоидат карданд, ки  чорабиниҳои Ҳафта хотирмону ҷолиб гузаранд.

Читать далее

28 Май 2014

Барандагони идрорпулии Раиси вилоят

Санаи 21 май дар варзишгоҳи “20-солагии Истиқлолият” дар тантана ба ифтихори Рўзи ҷавонон маросими супоридани идрорпулии Раиси вилоят мўҳтарам Абдураҳмон Қодирӣ барои муҳассилину аспирантони муассисаҳои таҳсилоти олии касбии вилоят баргузор гардид. Дар қатори бисёр писарону духтарони хушбахти вилоят сазовори барандаи идрорпулии Раиси вилояти Суғд гардидани 16 нафар муҳассилини донишгоҳ  нишони қадрдонии хониши аъло, ширкати фаъолонаашон дар конфронсҳои илмию олимпиадаҳо ва корҳои ҷамъиятӣ маҳсуб мегардад. Усмонова Марҳабо, Муборакшоева Моҳрухсор, Каримова Шаҳло, Абдусаломова Моҳира, Наҷмиддинов Мирзоғафур, Қурбонов Ҳаёт, Қурбонов Самандар, Юсупов Ғайрат  аз зумраи он донишҷўёни фаъоли донишгоҳ ба ҳисоб мераванд, ки ба дарёфти идрорпулии Раиси вилояти Суғд  дар соли хониши 2013 – 2014 мушарраф гардиданд. 

Читать далее

Пирўзӣ


Аъзои дастаи ҳозирҷавобони шўхтабъи (КВН)-и донишгоҳ дар таърихи 25.05.2014 дар мусобиқаи ниҳоии байни дастаҳои муассисаҳои таҳсилоти олии касбии вилоят дастболо шуда, унвони чемпионии лигаи хуҷандии КВН-ро мушарраф гардид. Дар мусобиқа дастаи КВН-и донишгоҳ бо аъзоёни дастаҳои шўхтабъи ДДХ ба номи академик Б. Ғафуров, шўъбаи IV-уми Академияи ВКД Ҷумҳурии Тоҷикистон, РосНОУ қуввасанҷӣ намуда, бо бартарии зиёд соҳиби ҷои аввал гардид. Аъзоёни дастаи зарифони донишгоҳамон аз рўи 6 барномае, ки ба ҳаёту фаъолияти донишҷўён ва ҷавонон вобастагӣ дошт, дониш, маҳорат, чолокӣ, зарифию хуштаъбии хешро намоиш дода, ба кафкўбиҳои тамошобинони сершумор аз макотиби олии вилоят сазовор гардиданд. Дар дастоварди назаррраси даста саҳми Фаррух Сангинов, Мирзобаҳром Валиев, Парвинахон Одилова, Фарангис Камолова, Шаҳриёри Қурбон, Икром Сафаров, Нигина Умарова барин донишҷўёни соҳибистеъдод хеле калон аст.

Читать далее

Медали биринҷӣ гирифтанд.

Бо ташаббуси Федератсияи футболи вилоят ва Раёсати ҷавонон, варзиш ва сайёҳии мақомоти иҷроияи ҳокимияти давлатии вилоят чанде пеш мусобиқаи футбол байни бонувон баргузор гардид. Қувваозмоӣ дар варзишгоҳи «Спартак» ва мактаби варзишии бачагонаю наврасони №1-и шаҳри Хуҷанд сурат гирифт ва дар он 18 даста аз шаҳру навоҳӣ ва муассисаҳои таҳсилоти олӣ ва миёнаи касбии вилоят иштирок доштанд. Дастаи бонувони футболбози донишгоҳ аз 4 дидор дар сетоаш ғалаба ба даст оварда, як бозиро бохта, ба мусобиқаи нимниҳоӣ роҳхат гирифт. Дар бозии нимниҳоӣ футболбоздухтарони донигоҳамон бо дастаи Коллеҷи омўзгории шаҳри Исфара ғолиб омада, зинаи сеюмро соҳиб шуданд. Ҷойҳои якум ва дуюм насиби варзишгарони дастаҳои Коллеҷи тиббии шаҳри Хуҷанд ва Коллеҷи омўзгории шаҳри Конибодом гардиданд. 

Читать далее

Бахшида ба соли оммавияти футбол

    Мусобиқаи байни дастаҳои сохторҳои донишгоҳ оид ба футбол, ки бо ибтикороти раёсат ва Кумитаи муттаҳидаи иттифоқи касабаи донишгоҳ ба ифтихори эълон шудани соли 2014 – соли оммавияти футбол  ва 20-солагии таъсисёбии ДДҲБСТ давом дошт, дирўз ҷамъбаст шуд.    Футболбозони дастаҳои факултетҳои ва инноватсия ва телекоммуникатсия туфайли маҳорати баланд ва бозии хуб бар ҳарифони худ дастболо шуда, ба бозии ниҳоӣ роҳхат гирифтанд. Дар дидори ниҳоӣ, ки дар варзишгоҳи донишгоҳ баргузор гардид, футболбозони дастаи факултети баҳисобгирӣ ва андоз  бо бозии зебоии худ табъи ҳаводорони футболро шод гардонида бо ҳисоби 2:0 ғолибият ба даст оварданд. Ҷойҳои дуюму сеюм насиби дастаҳои факултетҳои инноватсия ва телекоммуникатсия ва раёсати донишгоҳ гардид. 

Читать далее

Сазовори ҷои аввал

Дар варзишгоҳи донишгоҳ аз санаи 19.05.2014 то 26.05.2014 мусобиқаи дастаҳои футболи донишҷўён баргузор гардид. Мусобиқа ба  эълон шудани соли 2014 – соли оммавияти футбол  ва 20-солагии таъсисёбии ДДҲБСТ бахшида шуд. Дар мусобиқа 7 даста барои ҷои аввал мубориза бурданд. Футболбозони дастаи факултети сиёсатшиносӣ ва муносибатҳои байналхалқӣ туфайли маҳорати баланди варзишӣ бар аксари ҳарифон ғолиб омада, дар мусобиқа ҷои аввалро ишғол намуданд. Варзишгарони дастаҳои факултети молия ва хобгоҳи донишгоҳ бошанд, ба дарёфти ҷойҳои дуюму сеюм мушарраф гардиданд. 

Читать далее

26 Май 2014

Эҳёи ҳунарҳои миллӣ


Аз давраҳои қадим шаҳру деҳоти Тоҷикистон бо ҳунарҳои миллӣ ва   ҳунармандонаш шўҳрат дошт. Деворнигораву ёдгориҳои санъати амалии Варахша, Панҷакенти қадим, Шаҳристон, Тупроққалъа ва ғ. аз дараҷаи баланди санъати амалии ниёгонамон маълумот медиҳанд. Аз қадим шаҳрҳои Тоҷикистони шимолӣ ҳамчун маркази ҳунарҳои мухталиф эътироф гардида буданд.

Ҳунарҳо бо ҳаёти анъанавӣ ва урфу одатҳои мардумӣ робитаи зич доштанд. Ҳунармандони моҳир усулҳои бадеиву техникӣ, наққошиҳо, анъанаҳои касбӣ, нозукиҳои ҳунарро ба вуҷуд оварда, онҳоро ҳифз намуда, ба шогирдон ва наслҳои оянда интиқол медоданд.    

Дастони моҳиру чобуки ҳунармандон дар давоми карнҳои зиёд матоъҳо, зарфҳо, асбобҳои мусиқӣ, қолинҳо, сўзаниҳо, маснуоти заргарӣ ва дигар намуд маҳсулоти ҳунармандиро тайёр мекарданд. Ҳунархои қадимаи ниёгонамон хушбахтона тавассути сулолаҳои ҳунармандон аз насл ба насл гузашта то замони мо расидааст. Аммо бархе аз ҳунарҳо бебозгашт аз байн рафтаанд.

Читать далее

Конференсияи илмӣ-назариявӣ

Дар таърихи 20 майи соли 2014 бо ибтикороти бахши илми факултети сиёсатшиносӣ ва муносибатҳои байналхалқӣ ва кафедраи умумидонишгоҳии фанҳои ҷамъиятӣ бахшида ба 1150-солагии мутафаккир, файласуф, олими энсиклопедист Абўбакри Муҳаммад ибни Закариё  ибни  Яҳёи Розӣ конференсияи илмӣ-назариявӣ баргузор гардид. Маҳфили илмиро бо суханони муқаддимавӣ мудири кафедраи фанҳои ҷамъиятӣ, дотсент Б. Турсунов ифтитоҳ бахшида, роҷеъ ба хизматҳои ин олим ва мутафаккири бузург баҳри рушду нумўи илму фарҳанг сухан ронд. Сипас дотсент Р. Маллаев дар мавзўи «Абўбакри Розӣ: фалсафаи саодати зиндагӣ», номзади илмҳои фалсафа, дотсент М. Поччоева роҷеъ ба мавзўи «Назари файласуфонаи Абўбакри Розӣ» андешаҳои ҷолиб баён доштанд. Тазаккур гардид, ки хизматҳои ин мутафаккири бузург дар назди инсоният шоиста буда, он ҷиҳати рушду нумўи  илму  фарҳанг  то имрўз қадр карда мешавад.

Читать далее

http://www.zoofirma.ru/