19 Февраль 2014

Факултети сиёсатшиносӣ ва муносибатҳои байналхалқӣ

 

Декани факултет номзади илмҳои сиёсатшиносӣ, дотсент

Акмалова Мунира Абдунабиевна

      Факултети сиёсатшиносӣ ва муносибатҳои байналхалқӣ тибқи қарори мушовараи Вазорати маорифи Ҷумҳурии Тоҷикистон ва қарори Шўрои олимони ДДҲБСТ аз 1 апрели соли 2002, таҳти фармони № 40/1 таъсис ёфтааст.

Нахустдекани факултет дипломати касбӣ, профессор Я.И. Исломов интихоб шуданд. Минбаъд дотсентон А. Рахимов, М. Юсупов, профессор И. Раҳимӣ вазифаи декани факултети мазкурро ба ўҳда доштанд. Сипас профессор Ҷ. Ҳ. Ҷўразода тайи солҳои 2005-2006, 2009-2012 вазифаи сарварии факултетро сарбаландона иҷро намуда, бо фармони Президенти Ҷумҳурии Тоҷикистон аз 11 майи соли 2012 ба вазифаи ректори ДДҲБСТ таъин гардиданд. Солҳои 2012-2016 д.и.т., профессор Ф.М. Ҳомидов ва аз моҳи сентябри соли 2016 н.и.с., дотсент М.А. Акмалова дар ҷодаи нумўи фаъолияти гуногунҷабҳаи факултет адои вазифа менамояд.

Мақсади асосии фаъолияти факултет омода намудани мутахассисони соҳаҳои сиёсатшиносӣ, таърих ва сиёсат, робитаҳои байнифарҳангӣ, хадамоти гумрук ва муносибатҳои байналхалқӣ мебошад.

Сохтори факултети сиёсатшиносӣ ва муносибатҳои байналхалқӣ аз шаш кафедра: сиёсатшиносӣ, муносибатҳои байналхалқӣ, таърихи халқи тоҷик, фанҳои ҷамъиятӣ, забони хориҷии англо-арабӣ ва хадамоти гумрук иборат мебошад.

Дар факултет 12 нафар профессор, 27нафар дотсент, 8 нафар докторант, 2 нафар аспирант, 33 нафар унвонҷў фаъолият мебаранд.

Олимони факултет бо олимони Академияи илмҳои Тоҷикистон, Маркази тадқиқоти стратегии назди Президенти Ҷумҳурии Тоҷикистон, Маркази қонунбарории Ҷумҳурии Тоҷикистон, ДМТ, ДТТ ба номи М.Осимӣ, ДДХ ба номи Б. Ғафуров, ДГТУ, ДДМ ба номи М.Ломоносов, Донишгоҳи давлатии Казони Федератсияи Русия, Маркази захиравӣ-таълимии Осиёи Марказӣ, Пажўҳишгоҳи стратегии назди Президенти Ҷумҳурии Қазоқистон робитаи илмӣ дорад.

Бо иқдоми раёсати донишгоҳ ва як зумра олимони шинохта асари пурмуҳтаво «Андешаи миллӣ» ба табъ расид, ки аз афкори пурғановати тамаддуни Шарқи бостонӣ шаҳодат медиҳад. Ҳамзамон, таълифоти профессор Ҷ.Ҳ. Ҷўрабоев «История Бухарского Эмирата в к.XIX-н.XXвека», профессор Ш.Султонов «Абдурахим Хаджибаев и его время», «Ёддоштҳо, осор ва андешаҳо», «Ёддоштҳои зиёии шўравӣ», «Демонтаж СССР: великая катастрофа ХХ-го столетия», дотсент М.А. Акмалова «Пути независимости Таджикистана», «Внешняя политика Таджикистана» (ҳаммуаллиф бо профессор Б.Ризоев), профессор А. Орифов «Гумрук», дотсент А.Мирбобоев, М.Ю. Юсупов «Муқаддимаи таърихи дипломатияи тоҷик», дотсент Ҷ.Б. Исоматдинов «Таърихи Унҷӣ» дастоварди муҳиму назарраси олимону устодони факултет арзёбӣ мегардад.

Дар факултет ба ҳайси муовини декан оид ба корҳои илмӣ н.и.т., дотсент С.Я.Қобилова, муовини декан оид ба корҳои тарбия н.и.ф., дотсент Ҳ.Х. Эгамназаров ва эдвайзери самти таълими факултет омўзгор С. Солихўҷаева фаъолият мебаранд.

Рўйхати таълифоти илмӣ

Суроға: вилояти Суғд, ш.Хуҷанд, мкр. 17, х.1.

Тел: +992 3422 23770

Читать далее

Факултети инноватсия ва телекоммуникатсия

Факултети инноватсия ва телекоммуникатсия

Ҷабборов Абдуқудус Абдуманонович –

номзади илмҳои физика-математика, дотсент

Декани факултети инноватсия ва телекоммуникатсия

 Ҷабборов Абдуқудус Абдуманонович ҷиҳати ташкили мақсадноки ҷараёни таълим дар донишгоҳ, такмил додан ва дар амал татбиқ намудани усулҳои нави таълим, самаранок ба роҳ мондани раванди таҳсил тариқи низоми кредитӣ саҳмгузор мебошад. Дар ташкили барномаҳои таълимии ихтисосҳои нав ва таъмин бо стандартҳои давлатӣ корҳои назаррасро анҷом додааст.

Факултети инноватсия ва телекоммуникатсия дар заминаи факултети инноватсия ва технологияи тиҷорат бо қарори Шӯрои олимони донишгоҳ, таҳти №9, аз 24 январи соли 2013 ташкил карда шудааст.

Мақсад ва вазифаҳои асосии фаъолияти факултет ҷорӣ ва амалӣ намудани технологияи пешрафтаи айём ва омода намудани мутахассисони ояндаи меҳан мебошад.

Факултет вобаста ба самтҳои системаҳои автоматикунонидашуда, технологияи иттилоотию идоракунии телекоммуникатсионӣ, технология ва низоми иттилоотӣ (дар иқтисодиёт), WEB-дизайн ва графикаи компютерӣ мутахассисонро тайёр менамояд. Шакли таълим дар факултет - шўъбаи рўзона ва фосилавиро дар бар мегирад. Дараҷаи таҳсилот бакалавр ва магистр мебошад.

Дар назди факултет чор кафедра: кафедраҳои системаҳои иттилоотии автоматикунонидашуда, системаи ахборотӣ-ҳисоббарорӣ, кафедраи фанҳои риёзӣ-табиатшиносии муосир, забони англисӣ фаъолият менамояд.

Дар факултет шумораи олимон, яъне профессорон ва дотсентон қисмати 40-фисадро аз шумораи умумӣ ташкил медиҳад.

Хатмкунандагони факултет, баъди хатми донишгоҳ метавонанд, дар самтҳои иқтисодиёт, муҳандис - барномасоз дар фаъолияти бонкӣ, барномасоз дар соҳаи низоми иттилоотӣ, дар корхонаҳо, пажўҳишгоҳҳои илмию таҳқиқотӣ фаъолият намоянд.

Дар факултет аз рўи якчанд барномаи давлатӣ ба монанди: Барномаи давлатии рушди илмҳои табиатшиносӣ, риёзию техникӣ, барои солҳои 2010-2020, Барномаи давлатии рушди инноватсионии Ҷумҳурии Тоҷикистон, Барномаи давлатии таъмини муассисаҳои таълимию илмии ҷумҳурӣ бо кабинетҳои фаннӣ, озмоишгоҳҳои муҷаҳҳази таълимӣ ва илмию тадқиқотӣ корҳои илмию тадқиқотӣ ба роҳ монда шудааст.

Факултет яке аз аввалинҳо шуда низоми таҳсилоти фосилавиро ҷорӣ намудааст. 

Читать далее

Кафедраи баҳисобгирии бухгалтерӣ

Мудири кафедра - номзади илмҳои иқтисодӣ, дотсент

Дадоматов Далерҷон Нишонбоевич

Кафедраи баҳисобгирии бухгалтерӣ  моҳи сентябри соли 1996 дар асоси қарори  Шўрои олимони Донишгоҳи давлатии ҳуқуқбизнес  ва  сиёсати  Тоҷикистон таъсис  ёфтааст, ки  яке аз  кафедраҳои нахустини ДДҲБСТ маҳсуб меёбад.

Аввалин  мудири   кафедраи   баҳисобгирии  бухгалтерӣ   ва  аудит  н.и.и, дотсент  З.Қ.  Қурбонов буда,  ин  вазифаро  то  соли 2000 - ум  иҷро   намудааст.

Ҳамчунин, солҳои  2000-2001  вазифаи  мудирии  кафедраро  номзади  илми  иқтисод,  профессор,  А.Ғ.   Ғозибеков ба ўҳда доштанд. Сипас, кафедраро солҳои 2001-2010  номзади   илҳои   иқтисод, дотсент М.А.Акрамов, 2010-2011номзади   илҳои   иқтисод, дотсент    Д.Н.  Дадоматов, 2012-2013 н.и.и. дотсент  О.О.  Абдулллоев,  2013-2014   н.и.и,  дотсент   М.А. Акрамов,   2014-2016 н.и.и. дотсент  Р.А.Комилов  роҳбарӣ  намудаанд. Айни ҳол вазифаи мудири кафедра ба зиммаи номзади   илҳои   иқтисод, дотсент    Д.Н.  Дадоматов вогуузор шудааст.

Мақсади фаъолияти кафедра саҳм гузоштан дар раванди рушди устувори иқтисодии кишвар тавассути тайёр намудани мутахассисони баландихтисос, ташаккули шахсияти ҳаматарафа инкишофёфтаи рақобатпазир бо салоҳияти баланди иқтисодӣ, ташаккули малака ва маҳорати таҳлили равандҳои иқтисодӣ, равишҳои баланд бардоштани самаранокӣ ва татбиқи сиёсати давлатии иқтисодӣ дар ҷараёни таълиму тарбияи кадрҳои соҳаи баҳисобгирии бухгалтерӣ, таҳлил ва аудит.

Вазифаҳои кафедра ин мода намудани донишҷӯён ва шунавандагон ба фаъолияти касбӣ дар бахши коркард ва таҳлилу баррасии тадбирҳои танзимкунандаи таъсиррасонии давлат ба иқтисодиёт, пешгӯӣ, барномарезӣ ва банақшагирии низоми иқтисодӣ, таъсиси низомҳои соҳавии мониторинги иқтидорҳои кадрӣ ва дурнамои эҳтиёҷот ба кадрҳо, вусъатбахшии тарбияи мақсадноки мутахасисон, ташаккули малакаи таҳияи барномаҳои рушди стратегӣ дар соҳаи гуногуни иқтисодиёти миллӣ, такмили мунтазами барномаҳои таҳсилот, маҷмӯаҳои таълимӣ-методии ҷавобгӯ ба талаботи даврони муосир, татбиқи технологияи муосири таълим ва усулҳои иноватсионии омӯзиш, пурра қаноатманд намудани талаботи донишҷӯён ҷиҳати фарогирии донишҳои нави иқтисодӣ.

Мавзӯи илмии кафедраи баҳисобгирии бухгалтерӣ мувофиқи нақшаи корҳои илмию тадқикоти барои солҳои 2015-2020 «Низоми баҳисобгирии муҳосибӣ ва аудит дар субъектони иқтисодӣ дар шароитҳои татбиқи Стандартҳои байналхалқии ҳисоботи молиявӣ» махсуб ёфта, дар ҳаҷми ҳафт фаслҳои алоҳида қабул гардидааст ва ҷиҳати иҷрои он тамоми олимон, унвонҷуён ва аспирантони кафедра вобаста карда шудаанд.

Дар кафедра фанҳои зерин таълим дода мешаванд: баҳисобгирии идоракунии мухосибӣ, назарияи баҳисобгирии муҳосибӣ, баҳисобгирии бонкӣ баҳисобгирии истеҳсолӣ, баҳисобгирии молиявии муҳосибӣ, Стандарти байналхалқии ҳисоботи молиявӣ, ҳисоботи бухгалтерӣ (молиявӣ), хусусиятҳои ҳисобгирӣ дар соҳаҳо, баҳисобгирии муҳосибӣ дар соҳаҳо, ҳисобгирии амалиёти арзӣ, баҳисобгирӣ ва аудити фаъолияти иқисоди  хориҷӣ, баҳисобгирии муҳоибии ташкилотҳои ғайритиҷоратӣ, корузори муҳосибӣ,и стандарти байналхалқии ҳисобгирӣ, ҳисоботи молиявӣ ва аудит     

         Мудири кафедра - номзади илмҳои иқтисодӣ, дотсент Дадоматов Далерҷон Нишонбоевич.

Рўйхати таълифоти илмӣ

Тел: +992928566665

e-mail: Этот адрес электронной почты защищен от спам-ботов. У вас должен быть включен JavaScript для просмотра.

    Суроға: Ҷумҳурии Тоҷикистон, вилояти Суғд, шаҳри Хуҷанд, маҳаллаи 28, хонаи 3

Читать далее

Кафедраи андоз ва андозбандӣ

Кафедраи андоз ва андозбандӣ

Мудири кафедра,

н.и.и., дотсент Салимова Муҳайёхон Музафаровна

Кафедраи андоз ва андозбандӣ дар заминаи кафедраи молия ва қарз дар асоси Низомномаи муассисаи таҳсилоти олии касбӣ бо қарори Шўрои олимони донишгоҳ аз 30.06.2003, таҳти №10 таъсис дода шуда, айни замон роҳбарии кафедраро н.и.и., дотсент Салимова М.М. ба ўҳда дорад.

Ҳадафи асосии кафедра – омода намудани мутахассисони соҳаи андоз ва андозбандӣ барои мақомоти андози кишвар ва корхонаву ташкилотҳо буда, кафедра кўшиш ба харҷ медиҳад, ки вобаста ба талаботи бозори меҳнат мутахассисони касбии замонавиро тарбия намояд. Кафедра ба стандарти меъёрию ҳуқуқии макотиби олии равияи иқтисодии талаботи байналмилалӣ пурра ҷавобгў буда, дар ин замина фаъолияти худро аз рўи нақшаҳои таълимӣ -  тарбиявӣ, илмӣ – методӣ ва илмӣ – тадқиқотӣ ба роҳ мондааст.

Кафедраи «Андоз ва андозбандӣ» кафедраи тахассусӣ буда, дар он 1 ихтисос 1-25.01.04.03 «Андоз ва андозбандӣ» амал менамояд. Устодони кафедра аз рўи равияи илмии кафедра корҳои илмӣ – тадқиқотиро пеш бурда истодаанд, ки натиҷаи он ба чоп расонидани монографияҳо, васоити таълим, китобҳои дарсӣ, дастури методӣ ва як қатор мақолаҳои илмӣ ба ҳисоб меравад. Айни замон дар кафедра 8 нафар устодон фаъолият менамоянд, ки дараҷаи унвоннокӣ 62,5 ва синну соли миёнаи кормандони нерўи илмӣ 40,1 фоизро ташкил медиҳад. Тўли фаъолият ҳайати кадрии кафедра ба он ноил гаштанд, ки маҷмўи маводи таълимӣ – методии ҷавобгў ба талаботи замони муосир ва стандарти давлатии таҳсилоти олии касбӣ омода карда шавад. 

Бо мақсади устувор нигоҳ доштани мавқеи худ, кафедра бо дигар кафедраҳои донишгоҳу донишкадаҳо, Кумитаи андози назди Ҳукумати Ҷумҳурии Тоҷикистон, Сарраёсати молия дар вилояти Суғд, Раёсати андоз дар вилояти Суғд ва мақомоти ҳудудии он ҳамкории судманд дорад.  

Читать далее

Кафедраи забонӣ тоҷикӣ

 Каримов Аслам Аъзамҷонович- мудири кафедра, номзади илмҳои филологӣ, дотсент

      Кафедраи забони тоҷикӣ соли 1994 чун кафедраи забонҳо таъсис ёфтааст. Он  кафедраи забон ва адабиёти    тоҷик ва  забони арабӣ (2000);  забонҳои тоҷикӣ ва арабӣ (2006); забони тоҷикӣ (2012) ном гирифт.   Дар ихтиёри кафедра таълими фанҳои забонҳои тоҷикӣ, арабӣ, хати ниёгон, адабиёти халқҳои ҷаҳон, маданияти нутқ буд.

           Инҳо мудири кафедра буданд: К. С. Абдуллохоҷаева – н.и.филол., дотсент (1993-2000), С. Ҳоҷиев- н.и.филол., дотсент (2001-2003),Т.Бердиева-д.и.филол.,проф.(2003)-д.и.филол.,проф.,А. Сайфуллоев(2003-2005), Б. Бобоҷонова- н.и.филол., дотсент (2005), Раҳимов И.-д.и.филол., проф.(2006-2012) ва Т. С. Шокиров-д.и.филол., проф.( 2012 - 2017) , аз сентябри соли 2017 то ҳол А.А. Каримов.

     Солҳои гуногун дар кафедра кор кардаанд: н.и.филол, дотс. Абдуллохўҷаева, д.и.филол.,проф. Т. Бердиева, д.и.филол., проф. А. Сайфуллоев, д.и.филол., проф. Раҳимов, н.и.филол.,дотсентон И. Нуров, Ф. Сатторова, Р. Сайфуллоева, Ю. Кенҷаев, М. Камолов, М. Аҳмадов, М. Раупова, С. Кенҷаев, М. Ҳалимова, Б. Ҳакимова, М. Атамуллоева, устодон С. Бобоев, М. Раҷабова, М. Фаёзов, М. Шарипова, М. Пўлодова, М. Ф. Голованова, Т. А. Давидкина, З. Тўраева,  Г. Ҷ. Шокиров, М. Мирниёзов. Шералишоева, С. Марофиева ва диг.      

  Кафедра фаъолияти худро дар партави супоришу таъиноти Президенти кишвар, қарорҳои Вазорати маориф ва илми ҶТ, Шўрои олимони донишгоҳу факултети молия,  бандҳои Конуни Ҷумҳурии Тоҷикистон «Дар бораи  забони  давлатии Ҷумҳурии Тоҷикистон»  аз 05.10.2009  ва  Карори Ҳукумати Ҷумҳурии Тоҷикистон  «Дар бораи тасдиқи «Барномаи рушди  забони давлатии Ҷумҳурии Тоҷикистон барои солҳои 2012-2016» ва  нақшаи  тасдиқшуда  ба роҳ монда шуда, то имрўз доир ба тайёр намудани кадрҳои илмию педагогӣ як қатор тадбирҳоро  амалӣ гардонд:

           Профессорону устодони кафедра дар нашрияҳои писандидаи КОА-и ВМ ва ИФР, дорои Индекси иқтибоси илмии Русия (РИНЦ), маҷаллаҳои илмии ИМА, Германия, Британияи Кабир, Украина, Ўзбекистон, нашрияҳои ҷумҳурӣ, ВАО мақолаву  рисола ва маводи интишорӣ ба табъ мерасонанд.

           Бо мақсади таъмини омодагии ҳаматарафаи  устодон аз фанни забони тоҷикӣ омўзгорони  кафедра вобаста ба тахассус комплекси таълимию методӣ барои донишҷўёни ихтисоси ҳуқуқшиносӣ ва муносибатҳои байналхалқӣ  (муаллифон Шокиров Т., Ҳалимова М.; Раҳматова Д., Ҳакимова Б.) таҳия намуда, барои чоп иҷозати ВМ ва И ҶТ-ро гирифтаанд.

Соли 2013 кафедра барои фаъолияти пурсамараш ба гирифтани ҷоизаи “Кафедраи тиллоӣ”-и Академияи табиатшиносии ФР сазовор гардид.

  Дар айни замон  кафедра бо 26 кафедраи макотиби олии кишвар, 6 кафедраи забонҳои мамолики хориҷӣ ва 5 муассисаи тадқиқотии ватанию хориҷӣ робитаи илмӣ дорад.

 Дар кафедра 2 доктори илм, профессор (Шокиров Т., Раҳимов И.), 1 академики Академияи табиатшиносии ФР (Шокиров Т. ), 5 номзади илм, дотсент (Кенҷаев С., Кенҷаев Ю., Раҳматова Д., Каримов А., Каримова М.), 1 сармуаллим (Мирниёзов А.) ва 1 коргузор (Маллаева М.) фаъолият доранд. 

Читать далее

Кафедраи молия ва қарз

Мудири кафедраи молия ва қарз н.и.и., дотсент:

Тўхтаев Т.М. 

Нахуст дар донишгоҳ кафедраи молия ва қарз бо қарори Шӯрои олимони Донишгоҳи давлатии ҳуқуқ, бизнес ва сиёсати Тоҷикистон таҳти №35 аз 06.12.1999 таъсис ёфтааст. Ҳамон вақт кафедраи молия ва қарз мутахассисонро аз рӯи ихтисоси 06.04.00-молия ва қарз барои фаъолияти иқтисодӣ, ташкили идоракунӣ, таҳлил ва бурдани корҳои илмию тадқиқотӣ дар соҳаи молиёт, қарз, муомилоти пулӣ, фаъолияти бонкӣ, муносибатҳои асъорӣ, танзим ва назорати асъор, суғурта, таъминот ва суғуртаи иҷтимоӣ тайёр менамуд. Аз 25 августи соли 2015 роҳбарии кафедраи молия ва қарзро номзади илмҳои иқтисодӣ, дотсент Тӯхтаев Т.М. ба зимма гирифта, барои ташкили заминаҳои нави ташаккули раванди тадрис, корҳои илмӣ-тадқиқотӣ ва вусъат бахшидан ба корҳои тарбиявию ғоявӣ дар кафедра кӯшиш ба харҷ дода истодаанд. Истифодаи самараноки ҷадиди усулҳои таълим, дарсиҳамоӣ, истифодаи роҳу усулҳои фаъолгардонии донишҷӯён, ташкил ва тайёр намудани аёният, дастурҳои таълимӣ доир ба кори мустақилонаи донишҷуён, маводҳои методӣ асоси ҷараёни кори кафедраро ташкил медиҳанд.

Корҳои илмию тадқиқотии кафедра мутобиқи Нақшаи панҷсолаи (2015-2020) дурнамо дар мавзӯи «Низоми молияи давлатӣ, таркиб ва нақши он дар танзими муносибатҳои молиявӣ ва инкишофи иҷтимоӣ-иқтисодии кишвар» қабул гардида, кулли устодон ва олимони кафедра барои иҷрои вазифаҳои тадқиқот мутобиқи ҳадафи асосии он кор карда истодаанд.

Аз тарафи омӯзгорони кафедра мувофиқи барномаҳои таълимӣ ва силлабусҳои тасдиқгардида барои 18 номгӯи фанҳои тахассуссӣ комплексҳои таълимӣ-методӣ омода карда шуда, дар асоси қарори ҷаласаи кафедраи молия ва қарз, қарори Шӯрои методии факултети молия ва қарори Шӯрои методии ДДҲБСТ чоп карда шудаанд, ки дар раванди таълим воқеан истифода шуда истодаанд. Кафедраи молия ва қарз яке аз кафедраҳои калидии факултети молия ба ҳисоб рафта, аз рӯи ихтисоси 1-250104 –молия ва қарз мутахассисони баландихтисос ва магистрантону докторони PhD омода менамояд.

Дар кафедра олимони самти ихтисос дотсентон Т.М. Тӯхтаев М.А. Акрамов, сармуаллим Р.И. Самадов ва як қатор мутахассисони соҳа аз амалия фаъолият мебаранд.

Мудири кафедраи молия ва қарз н.и.и., дотсент: Тўхтаев Т.М.

Рўйхати таълифоти илмӣ

Суроға: ш. Хуҷанд, мкр 28. х20. ҳ3. Тел: +992927755704

Этот адрес электронной почты защищен от спам-ботов. У вас должен быть включен JavaScript для просмотра.

Читать далее

Кафедраи иқтисоди ҷаҳонӣ

 Мудири кафедра - доктори илмҳои иқтисодӣ, профессор

И.Р. Пӯлотова

Дар асоси қарори Шўрои олимони донишгоҳ аз 2.06.1998 дар базаи кафедраи «Назарияи иқтисодӣ» кафедраи «Муносибатҳои иқтисодии байналхалқӣ ва дипломатия» ташкил карда шуд. Мудири кафедра - номзади илмҳои иқтисодӣ Ғозибеков Садриддин Аслонбекович таъин гардид. Дар солҳои мухталиф кафедраро устодони зерин роҳбарӣ намудаанд: 1998 – н.и.и., дотсент С.А. Fозибеков, 2000 – н.и.и., дотсент А.Р. Раҳимов, 2005 – д.и.и., профессор Д. Д. Бобоҷонов, 2012 - н.и.и., дотсент Р.С. Шокиров, 2015 то имрўз – д.и.и., профессор И.Р. Пўлотова. Дар кафедра 31 фан таълим дода мешаванд. Кафедра боргоҳи фаъолияти пурсамари устодони зиёде гаштааст: докторони илмњои иқтисододӣ, профессорон А.А. Бойматов, А.М.Раҳимов, Д.Д.Бобоҷонов, И.Р.Пӯлотова, дотсентон А.Раҳимов, А.Солиев, М. Э. Исоматдинов, М.Ю. Юсуфов, М. Х. Бақоев., Р. С. Шокиров, Р.А.Каримов, М.Д.Тошматова, Д. Ғ. Аминов аз ҷумлаи онҳо мебошанд. Олимони кафедра асарҳои арзишманди илмӣ интишор намуданд ва мақолаҳои устодони кафедра дар маҷаллаҳои илмии шаҳрҳои Маскав, Минск, Новосибирск, Алма-ато, Тошкент, Душанбе ба табъ расидаанд. Устодони кафедраи иқтисоди ҷаҳонӣ мутобиқи нақшаи корҳои илмӣ-тадқиқотии кафедра барои солҳои 2016-2020, ки ба шўъбаи илми ДДҲБСТ пешниҳод шудааст, аз рўи мавзўи «Муаммоҳои геоиқтисодии Ҷумҳурии Тоҷикистон: стратегияи рушди робитаҳои иқтисодии хориҷӣ» ба корҳои илмӣ-тадқиқотӣ машғул ҳастанд. Мавзўи мазкур замонавӣ мебошад, зеро тараққиёти иқтисодиёти мамлакат ва баромадани он ба бозори ҷаҳонӣ аз инкишофи фаъолияти иқтисодии хориҷии мамлакат вобастагӣ дорад. Роҳбари илмии мавзўи корҳои илмии кафедра доктори илмҳои иқтисодӣ, профессор И.Р. Пӯлотова мебошанд. Дар иҷрои корҳои илмӣ-тадқиқотӣ доир ба мавзўи кафедра кулли устодони кафедра иштирок мекунад. Дар назди кафедра маҳфили илмии донишҷўён «Интегратсия» амал мекунад. Донишҷўёни ихтисоси 060600 «Иқтисоди ҷаҳонӣ» моҳе як маротиба таҳти сарпарастии асситенти кафедра П.Ш.Солиева дар маҳфил оиди ба масъалаҳои мубрами ҳамкориҳои иқтисодии давлатҳои ҷаҳон маърўзаҳо омода сохта, назди ҳамсабақон ва устодони кафедра сўҳбатҳои дилчасп созмон медиҳанд. Дар асоси талабот нақшаи кори семинарҳои илмӣ – назариявии дар кафедра мавҷудбуда аз рўи ин нақша устодони кафедра суханронӣ мекунанд. Кафедра бо мактабҳои олии пешрафтаи ҷумҳурӣ, Вазорати иқтисодиёт ва савдо, Маркази тадқиқотҳои стратегии назди Президенти Ҷумҳурии Тоҷикистон, факултаҳои иқтисодии Донишгоҳи давлатии миллии Тоҷикистон ва Донишгоҳи аграрии Тоҷикистон ҳамкорӣ дорад. Кафедра, инчунин, бо бонкҳо, шўъбаҳои робитаҳои иқтисодии хориҷии мақомоти иҷроияи ноҳияҳо, корхонаҳои пешрафтаи ҷумҳурӣ ҳамкорӣ мекунад. Хатмкардагони кафедраи иқтисоди ҷаҳонӣ дар Вазорати корҳои хориҷии Ҷумҳурии Тоҷикистон, ташкилотҳои байналхалқӣ, муассисаҳои СММ, бонкҳо, дар хадамоти гумрук ва андоз, дар корхонаҳои муштарак, мақомоти иҷроияи ҳокимияти давлатии ноҳия ва вилоят, корхонаҳо ва ташкилотҳои истеҳсолӣ фаъолият мебаранд.

Рўйхати таълифоти илмӣ

Суроғаи кафедра: шаҳри Хуҷанд, микроноҳияи 17, бинои таълимии 2.

Телефон: 2-30-33.

E-mail: Этот адрес электронной почты защищен от спам-ботов. У вас должен быть включен JavaScript для просмотра.

Посмотрите вложенную галерею изображения онлайн в:
http://tsulbp.tj/tj/component/blog_calendar/2014/02/19.html#sigProGalleria6182a73b71
joomlamodniyportal.ru

Читать далее

Факултети баҳисобгирӣ ва андоз

 

Факултети баҳисобгирӣ ва андоз

Декани факултет, номзади илмҳои иқтисодӣ, дотсент

Орипов Абдуқаҳор Абдуҳамидович

 Факултети баҳисобгирӣ ва андоз дар заминаи факултетҳои бизнес ва иқтисодиёти ҷаҳонӣ, бизнес ва ҳисобгирӣ, технологияҳои компютерӣ ва ҳисобгирӣ бо фармони ректори донишгоҳ таҳти №9 аз 24.01.2013 с. таъсис дода шудааст.

Дар солҳои гуногун вазифаи декани факултетро дотсентон З.Қ. Қурбонов, Т.Н. Неъматов, профессор Д.И. Исмоилов, дотсентон А.Я. Набиева, М.Р. Дониёров, Ҳ.Ш. Ғаюров, Ш.М. Зокирова, Ш.М. Шерматов, профессор Ғ.С. Абдусамадов, дотсент Д.Н. Дадоматов, дотсент С. В. Мамадов ба зимма доштанд. Айни ҳол н.и.и., дотсент А.А.Орипов ба ҳайси декани факултет фаъолият мебарад.

Мақсад ва вазифаҳои фаъолияти факултет –тайёр намудани мутахассисони баландихтисос дар соҳаҳои баҳисобгирии муҳосибӣ, аудит ва ревизия, андоз ва андозбандӣ, ки дорои донишҳои фундаменталии иқтисодиёти Ҷумҳурии Тоҷикистон ва хориҷа буда, ба талаботи касбии бозори меҳнат мувофиқат мекунанд.

Дар факултет аз рўи ихтисосҳои зерин мутахассисони дараҷаи бакалавр тайёр карда мешаванд: 1-25.01.08 – баҳисобгирии бухгалтерӣ ва аудит; 1.25.01.11 - аудит ва ревизия; 1-25.01.04-03 – андоз ва андозбандӣ.

Таҳсил дар магистратура аз рўи ихтисосҳои 1-25.01.08 – баҳисобгирии бухгалтерӣ ва аудит ва 1-25.01.04-03 – андоз ва андозбандӣ ба роҳ монда шудааст.

Имрўзҳо хатмкунандагони факултет дар вазифаҳои мухталифи идоракунии Мақомоти иҷроияи ҳокимияти давлатии вилояти Судғ ва ҷумҳурӣ, роҳбарони корхонаю ташкилотҳои давлатию хусусӣ, ташкилотҳои қарзӣ, мақомотҳои назоратию ревизионӣ, ширкатҳои аудиторӣ ва мақомотҳои андоз кору фаъолият бурда, дар рушду нумўъи Тоҷикистон ҳиссагузоранд.

Дар ҳайати факултет кафедраи баҳисобгирии бухгалтерӣ, кафедраи андоз ва андозбандӣ ва кафедраи аудит ва ревизия фаъолият мебаранд.

Ҳайати устодону олимони факултетро 10 нафар номзадони илм, дотсентон, 7 нафар сармуаллимон ва 8 нафар ассистентон ташкил медиҳанд.

Декани факултет: н.и.и., дотсент А.А.Орипов

Муовинони декан: мушовири академӣ М.М. Абдуллоев, оид ба корҳои тарбия М.М. Раҳмонов, оид ба корҳои илм ва инноватсия Б.Қузибоева

Рўйхати таълифоти илмӣ

Суроғаи факултет: шаҳри Хуҷанд, микроноҳияи 28, бинои таълимии №3 – и ДДҲБСТ,

Телефон: 83422-5-65-20

Мобилӣ – 92-884-40-21

Читать далее

Кафедраи менеҷмент

 

Мудири кафедраи менеҷмент, дотсент

Хоҷаева Д.А.

Кафедраи «Менеҷмент» дар асоси қарори Шўрои олимони донишгоҳ таҳти  №8 аз (01.03.06) дар тобеияти кафедраи «Менеҷмент ва агробизнес», ки бо фармони ректори донишгоҳ таҳти №6 аз 19.04.04 ташкил гардида, фаъолияташро оғоз намудааст.

Азнавташкилёбии кафедраи менеҷмент имкон дод, ки ҳадафи асосии рушди минбаъдаи онро - ташкили коллективи омӯзгорони баландихтисос ва олимони дорои қобилияти баланди омоданамудаи мутахасс-идоракунандаи сатҳи олӣ, имкони ҳаллӣ муаммоҳои илмӣ-амалии муҳимиятдошта мебошанд, ифода намояд.

Фаъолияти ҳамаи аъзоёни кафедра ба мукаммалгардонидани самтҳои таълимӣ, илмӣ ва корҳои тарбиявӣ нигаронида шудааст.

Дар давраҳои гуногун кафедраи «Менеҷмент»-ро мутахассисон ва олимони шинохта аз қабили  Абдуллоев З.Р., Сатторова М.С., Асророва М.А. ва Зокирова Ш.М., роҳбарӣ менамуданд. Аз моҳи сентябри соли 2015 то ба имрӯз роҳбарии кафедраро номзади илмҳои иқтисодӣ дотсент Хоҷаева Д.А. ба ўҳда дорад.

Айни замон дар кафедра 15 мутахасссисони баландихтисос фаъолият доранд.

Кормандони кафедра:

Хамагӣ кормандон – 15 нафар

омўзгорон- 9 нафар

номзадони илм- 5

Корҳои илмӣ – тадқиқотии омўзгорони кафедра ба тадқиқи самти васеи масоилҳои мубрами алоқаманд бо «Стратегияи менеҷменти муосир дар инкишофи минтақа» ташкил медиҳад.

Аз ҷониби омўзгорони кафедра – 5 монография ва зиёда аз 200 мақолаи илмӣ, ки самтҳои асосии корҳои тадқиқотии кафедраро инъикос менамояд, нашр гардидааст.

Барои таъмини ташкили ҷараёни таълим дар кафедра нақшаҳои муосири таълимӣ барои дар ду самт омоданамоии мутахассисон, ки асоси барномаи кориро ташкил медиҳад, дар заминаи назария ва амалияи муосири идоракунӣ  истифода карда мешавад. Дар матни лексияи омўзгорони кафедра хусусиятҳои хоси ҳаёти сиёсӣ, иқтисодӣ ва мадании миллӣ дарҷ гардидааст.

Дар кафедра барномаҳои корӣ вобаста ба фанҳои таълимӣ (зиёда аз 40), маҷмўи лексияҳо, комплексҳои таълимӣ методӣ, дастури методӣ нашр гардида, доимо дар асоси талаботҳои муосир мувофиқ ва нав карда мешаванд.

Мавзўъҳои корҳои инфиродии тадқиқотии донишҷўён: корҳои курсӣ, рисолаи дипломӣ (бакалаврӣ)  дар асоси муаммоҳои корхонаҳои ватанӣ ва самтҳои фаъолияти хусусӣ тартиб дода шудааст.

Ҷараёни таълим дар донишгоҳ дар асоси низоми Балония ба роҳ монда шуда, барномаҳои корӣ таълимӣ  низ ба он мувофиқ коркард ва нав карда шудаанд.

Ғояи асосии консепсияи раванди таълим,  умуман дар донишгоҳ ва қисман дар кафедра - дониши умумӣ ва махсус буда, вобаста ба талаботи муосири ислоҳоти иқтисодии Ҷумҳурии Тоҷикистон ба роҳ монда шудааст.

Бо дарназардошти имкониятҳои кунунии китобхонаи донишгоҳ дар таъмини раванди таълим бо маводҳои муосир ва дастурҳои таълимӣ, кафедра барои ташкили китобхонаи электронӣ ва истифодаи имкониятҳо, ки ба инкишофи зинаҳои сифатан нави ҷараёни таълим имкон фароҳам меоварад, корбарӣ менамояд. Омӯзгорони кафедра комплексҳои таълимӣ-методиро бо забон (тоҷикӣ ва русӣ) барои фанҳои тахассусии кафедра омода намудаанд.

1.Менеҷмент Орипов А.А., Шамсиев Ф.К., Тошев Т.Ҷ., Абдураҳмонова Б.С. (ба забони русӣ)

2.Менеҷмент Асророва М.А., Шамсиев Ф.К., Қосимова Ш.А, Азизова Н.Х., Ходжибоева М.А. (ба забони тоҷикӣ)

3.Менеҷменти ташкилот Асророва М.А., Ҳоҷибоева М.А., Шамсиев Ф.К., Бурҳонов И.Б., Азизова Н.Х.

4.Иқтисодиёт ва иҷтимоиёти меҳнат Хоҷаева Д.А., Шарипова З.С.

5.Муаммоҳои худидоракунии маҳаллӣ Бурҳонов И.Б. (ба забони тоҷикӣ)

6.Менеҷменти активҳои гардони корхона Хоҷаева Д.А., Шарипова Ш, Тошматова Р.К.

7.Менеҷменти сармоягузории корхона Хоҷева Д.А., Шарипова Ш.М.

8.Менеҷменти ташкилот Азизова Н.Х.,  Шамсиев Ф.К., Қосимова Ш.А.,

9.Менеҷменти стратегӣ фаврӣ тактикӣ Абдураҳмонова Б.С.

10.Идоракунии корпоративӣ Шамсиев Ф.К., Абдураҳмонова Б.С.

11.Менеҷмент Хоҷаева Д.А. Азизова Н.Х.

12.Менеҷменти захираҳои инсонӣ Азизова Н.Х., Қосимова Ш.А.

13.Менеҷмети фаъолияти сармоягузории корхонаа Азизова Н.Х.,  Шамсиев Ф.К., Қосимова Ш.А.,

14.Омор Маҳмадиева Ҳ.Ҷ., Ахмедова М.А., Негматова Ш.Ғ., Ҳомидов С.Х. (ба забони тоҷикӣ)

15.Таҳлили иқтисодӣ Асророва М.А., Ахмедова М.А., Зокирова Ш.М., Негматова Ш.Ғ. (ба забони русӣ)

16.Таҳлили иқтисиодӣ Асророва М.А., Ахмедова М.А, Зокирова Ш.М, Негматова Ш.Ғ. (ба забони тоҷикӣ)

17.Этикаи касбӣ Комилова М.А., Зокирова Ш.М.

18.Идоракунии иҷтимоӣ- иқтисодӣ Бурҳонов И.Б., Бобоҷонова З

19.Коркард ва қабули қарори идоракунӣ Шамисев Ф.К., Бурҳонов И.Б.,

20.Таҳлили фаъолияти молиявию хоҷагидорӣ мақомоти гумрук  Шарипова Ш.М., Маҳмадиева Ҳ.Ҷ.

Гуфтаҳои дар боло овардашуда, аз он шаҳодат медиҳанд, ки ҷараёни таълимӣ, тарбиявӣ  ва илмии кафедра дар сатҳи ҷавогӯй ба талаботҳои муосири омоданамоии мутахассисон ба кор дар шароити иқтисодиёти бозории  Ҷумҳурии Тоҷикистон ба роҳ монда шудааст.

Айни ҳол кафедра мутахассисонро аз рӯи ихтисосҳои зерин омода менамояд:

1.26.01.01-Идораи давлатӣ (шўъбаи рўзона ва шўъбаи ғоибона)

1.26.02.02.01-Менеҷменти молиявӣ (шўъбаи рўзона)

1.26.02.02-Менеҷмент (магистратура)

Читать далее

Факултети молия

Факултети молия

Декани факултет н.и.и, дотсент

Хоҷаева Дилрабо Абдусамадовна

 Факултети молияи Донишгоҳи давлатии ҳуқуқ, бизнес ва сиёсати Тоҷикистон соли 1996 ҳамчун факултети сеюм дар донишгоҳ пас аз факултетҳои хуқуқ ва муносибатҳои байналхалқӣ, бизнес ва иқтисоди ҷаҳонӣ фаъолият дорад.

Факултет мутахассисонро барои соҳаҳои мухталифи хоҷагии халқ тайёр менамояд, ки дар сохторҳои гуногуни молиявӣ, корхонаҳо, ширкатҳо, мақомоти идоракунии давлатӣ, ташкилотҳои бонкию қарзӣ, ташкилотҳои фаъолияташон бурунмарзӣ ва муассисаҳои илмӣ фаъолият бурда метавонанд.

Имрӯзҳо факултет мутахассисонро аз рӯи ихтисосҳои молия ва қарз, кори бонкӣ тайёр менамояд. Ҳамаи ихтисосҳо дорои нақшаҳои намунавии таълимӣ, стандартҳои таҳсилоти олӣ буда, Вазорати маориф ва илми Ҷумҳурии Тоҷикистон тасдиқ намудааст.

Донишҷӯёни факултет, якчанд маротиба ғолиби мусобиқаҳо ва олимпиадаҳои илмии вилоятӣ ва ҷумҳуриявӣ шудаанд, байни донишҷӯён варзишгарон ҳастанд, ки обрӯи донишгоҳро дар мусобиқаҳо аз рӯи намудҳои гуногуни варзишӣ баланд бардоштаанд, байни онҳо зиёда аз бист устодон ва номзадони соҳаи варзиш мавҷуданд.

Дар факултет 5 кафедра амал мекунанд, ки инҳо - молия ва қарз, кори бонкӣ, назарияи иқтисодӣ, забони русӣ, забони тоҷикӣ мебошанд.

Дар факултет 51 нафар омӯзгорон фаъолият мебаранд, ки аз онҳо 5 нафарашон дорои дараҷаи доктори илмҳо – профессорон , 19 нафар дорои дараҷаи номзади илм, боқимонда 33 нафарро омӯзгорони ҷавон ташкил медиҳанд

Декани факултет н.и.и, дотсент Хоҷаева Дилрабо Абдусамадовна

Дар факултет ду нафар ҷонишини декан фаъолият мебаранд, ки онҳо ҷонишини декан оид ба илм – Абдуқодиров Хайрулло Абдусаломович, номзади илмҳои иқтисодӣ, дотсенти кафедраи назарияи иқтисодӣ ва ҷонишини декан оид ба тарбия Якубов Азал Азамович, мебошанд.

Рўйхати таълифоти илмӣ

Суроға, телефон, E-mail-и факултет (ё декан) ш. Хучанд ,микронохияи №17 , бинои таълимии № 2.

 Раками телефони деканат: +992(3422) 23043

Читать далее

http://www.zoofirma.ru/