Февраль 2014

26 Февраль 2014

СУРУДИ ва рамзи ДОНИШГОҲ

ДОНИШГОҲИ МО

Шеъри Анварҷони ҒАФУР,

Оҳанги Саидқодир ЁҚУБОВ

Чашмаи зиё,

Эй масири нур,

Маскани фунун, мазҳари сурур,

Беназир –

Баҳри мо бебаҳо туӣ,

Дар раҳи маърифат раҳнамо туӣ,

Донишгоҳи мо,

Донишгоҳи мо,

Субҳи бахти мо,

Субҳи бахти мо,

Донишгоҳи мо,

Донишгоҳи мо,

Тоҷу тахти мо,

Тоҷу тахти мо.

Зодаи навбаҳори диёри мо,

Маснади шодиву ифтихори мо,

Мефизоӣ хирад, офтоби меҳр –

Бо ту рахшон раҳи устувори мо,

Донишгоҳи мо,

Донишгоҳи мо,

Субҳи бахти мо,

Субҳи бахти мо,

Донишгоҳи мо,

Донишгоҳи мо,

Тоҷу тахти мо,

Тоҷу тахти мо.

                                   Матлаи сафо,

Хушназар туӣ,

Бо ливои хирад бозафар туӣ,

Бегазанд –

Кохи ганҷи равони мо

Дар раҳи ҷовидон боасар туӣ,

Донишгоҳи мо,

Донишгоҳи мо,

Субҳи бахти мо,

Субҳи бахти мо,

Донишгоҳи мо,

Донишгоҳи мо,

Тоҷу тахти мо,

Тоҷу тахти мо.   

Читать далее

24 Февраль 2014

Шуъбаи таҳлил ва робита бо ҷомеа

Сардори шўъба, номзади илмҳои филологӣ, дотсент

Ҳакимова Башорат Наимовна

Шўъбаи таҳлил ва робита бо ҷомеа, ки қаблан чун Маркази иттилоотӣ-таҳлилӣ зикр мегашт, тибқи фармоиши ректори донишгоҳ аз санаи 29 январи соли 2016, таҳти №40 бо унвони имрўза бадали ном кард. Оғози фаъолияти шўъба аз моҳи сентябри соли 2012 аст. Дар асоси Низомномае, ки бо қарори ҷаласаи Шўрои олимони ДДҲБСТ аз 20.09.2012, №1 тасдиқ шудааст, шўъба фаъолияти худро тибқи санадҳои меъёрию ҳуқуқии соҳаи иттилоот, таҳсилоти олӣ ба татбиқи сиёсати давлату ҳукумат дар соҳаи маориф, тарғиби арзишҳои маънавию фарҳангӣ, дар руҳияи ватандўстӣ, хештаншиносӣ тарбия намудани ҷавонон, вусъати фазои иттилоотӣ, таҳкими робита бо воситаҳои ахбори умум, ҷалб намудани онҳо барои инъикоси ҳамаҷиҳатаи дастоварду пешравиҳои донишгоҳ, баланд бардоштани сатҳи фарҳангӣ, тарғиби таҷрибаи пешқадам, густариши ҳамкории донишгоҳ ва оила, ташкилоту корхонаҳо равона намудааст.

Шўъбаи таҳлил ва робита бо ҷомеа бо мақсади баланд бардоштани сатҳи таълиму тарбияи донишҷўён, таҳлили сатҳи фаъолияти сохторҳои донишгоҳ, омўзиш ва таҳлили афкори ҷомеа, мустаҳкам намудани робитаи донишгоҳ бо ҷомеа ва ВАО таъсис дода шуда, риоя ва сатҳи иҷроиши саривақтӣ ва самараноки санадҳои меъёриву ҳуқуқӣ, қонунҳо, барномаҳои давлатӣ, стратегияҳо, консепсияҳо, иҷроиши саривақтии фармонҳо, қарорҳо ва масъалаҳои марбут ба таълиму тарбия ва илму таҳсилотро мавриди назорат, таҳлил ва натиҷагирӣ қарор медиҳад.

Туфайли таъсиси шўъба доираҳои ҳамкории байни донишгоҳу воситаҳои ахбори умум ҳамаҷониба густариш ёфт. Ҳамин аст, ки оиди фаъолияти аҳли донишгоҳ, дастовардҳои навини он тавассути телевизионҳои давлатию хусусӣ пайваста барномаву гузоришҳо таҳия ва пахш мегарданд. Дар саҳифаҳои нашрияҳои даврии маҳаллию ҷумҳуриявӣ хабару мақолаҳо перомуни самтҳои фаъолияти донишгоҳ ба нашр мерасанд. Сомонаи донишгоҳ бо маводе, ки фарогири рўйдодҳои навини ҳаёти илмию таълимӣ ва тарбиявию фарҳангии донишгоҳ мебошанд, мунтазам таъмин карда мешаванд.

Робитаи байни донишгоҳ ва воситаҳои ахбори умум дар пояи баланд роҳандозӣ шуда, туфайли ин ҳамкорӣ шўъба бо як қатор рўзномаҳо ба таҳияю нашри саҳифаҳои махсус аз ҳаёт ва фаъолияти ҷомеаи меҳнатии донишгоҳ мушарраф гардид.

Дар шўъбаи таҳлил ва робита бо ҷомеа сабти навору гузоришҳои ҳамоишҳои илмиву фарҳангӣ, омўзгорони пешқадам, таҷрибаҳои шоиста ҳифзу нигаҳдорӣ шуда, пайваста ба воситаи телевизиони дохилидонишгоҳӣ ва шабакаҳои дигар ба намоиш гузошта мешаванд. Шўъба ҳамкориашро бо шўъбаи технологияи инноватсионӣ пайваста вусъати тоза бахшида, аз имкониятҳои шабакавии донишгоҳ самаранок истифода мебарад. Туфайли ҳамкорӣ бо шўъбаи технологияи инноватсионӣ фаъолияти телевизиони дохилидонишгоҳӣ рушд намуда, доираи пахши иттилоот густариш дода шуд. Дар назди шўъба барномаи иттилоотии ҳармоҳаи «Набзи донишгоҳ» таъсис ёфт. Бинандагони барнома дар давоми 30-45 дақиқаи пахши иттилоот бо навигариҳои ҷолиби ҳаёти донишгоҳ ҳамаҷиҳата ошно мешаванд.

Тавассути шўъбаи таҳлил ва робита бо ҷомеа тариқи телевизионҳои марказию маҳаллӣ ва дохилидонишгоҳӣ пешкаши бинандагон гардонида шудани силсилабарномаҳои фарҳангӣ, мизҳои мудаввар, «Интеллект-Шоу», барномаҳои маърифатӣ-ҳуқуқии «Кошонаи маърифат» ва «Набзи донишгоҳ» аз падидаҳои ҷолиби ҳаёти илмию маърифатии ДДҲБСТ маҳсуб меёбанд.

Таҳияи нақша-чорабиниҳо вобаста ба қарорҳои Шўрои олимон, ҷаласаҳои раёсати донишгоҳ, мулоқоту вохўриҳои ректори донишгоҳ бо муҳассилину устодони факултетҳо, чорабиниҳои оммавӣ-фарҳангӣ ва таҳлилу натиҷагирӣ аз вазъи иҷрои онҳо аз самтҳои муҳими фаъолияти шўъбаи таҳлил ва робита бо ҷомеа маҳсуб меёбад. Дар нақшаи кории шўъба таҳлили вазъи иҷрои нақшаи чорабиниҳо ҷой дода шуда, рафти иҷрои онҳо аз ҷониби кормандони шўъба таҳлил ва дар Шўрои олимони донишгоҳ, ҷаласаҳои раёсати донишгоҳ мавриди баррасӣ қарор дода мешаванд.

Таҳлили вазъи иҷрои ҳуҷҷатҳои воридотии назоратӣ аз самтҳои дигари фаъолияти шўъбаи таҳлил ва робита бор ҷомеаи донишгоҳ ба ҳисоб рафта, ҷиҳати назорати иҷрои саривақтии ҳуҷҷатҳои воридшаванда таваҷҷўҳи хоса зоҳир мегардад.

Аз рўзҳои нахустини таъсисёбии шўъбаи таҳлил ва робита бо ҷомеа сарварии онро Аълочии маорифи Тоҷикистон, номзади илмҳои физика - математика, дотсент Р.А. Ахмедов бар ўҳда дошта, ҳамчун роҳбар барои рушду такомули ин сохтор, афзун гардидани нуфузу эътибори донишгоҳ саҳми босазо гузошт. Дар шўъба инчунин узви Иттифоқи журналистони Тоҷикистон Ғ. Ҷўраев номзади илмҳои филологӣ, дотсент Б.Н. Ҳакимова., С.Х. Амаков, Р. Ҳикматуллоев, Н. Валиева фаъолият намудаанд.

 

Ҳайати кормандони шўъбаи таҳлил ва робита бо ҷомеа моҳи августи соли 2015 қисман тағйир ёфта, дар он мутахассисон А.Ҷ. Султонова Охунҷонова Н.Р., наворбардор Ҳикматуллоев Р.Н., муҳаррири сомонаи берунии донишгоҳ Амаков С.Х., аксбардор С.Юсуфӣ ва коргузор Ахмедова С.Н. фаъолият бурданд. Роҳбарии шўъбаро аз моҳи августи соли 2015 то сентябри соли 2016 номзади илмҳои филологӣ, дотсент Рустамов Ш.Р. ба зимма дошт. Аз оғози соли хониши 2016-2017 сохтор ва ҳайати кормандони шўъба қисман тағйир ёфт: идораи нашрияи донишгоҳии «Маъвои хирад» ба шўъбаи таҳлил ва робита бо ҷомеа гузаронида шуд. Моҳи октябри соли 2016 роҳбарии шўъбаи таҳлил ва робита бо ҷомеаро номзади илмҳои филологӣ, дотсент И. Раҳимов ба зимма дошт. Айни замон, аз санаи 1 ноябри соли 2016 роҳбарии шўъбаи таҳлил ва робита бо ҷомеаро номзади илмҳои филологӣ, дотсент Ҳакимова Башорат Наимовна ба зимма дорад. Шўъба дар ҳайати зерин фаъолияти худро пеш мебарад: сардори шўъбаи таҳлил ва робита бо ҷомеа, Аълочии маорифи Тоҷикистон, номзади илмҳои филологӣ, дотсент Б.Н Ҳакимова, сармуҳаррири нашрияи донишгоҳии «Маъвои хирад», узви Иттифоқи рўзноманигорони Тоҷикистон С.Дадобоев, мутахассисон Н.Р. Охунҷонова, С.Э. Шарифова, наворбардор М.Юсупов, аксбардор М.Ҷ. Қосимов. 

Рўйхати таълифоти илмӣ

Тел.барои тамос: 8(3422) 2-17-15

Еmail: Этот адрес электронной почты защищен от спам-ботов. У вас должен быть включен JavaScript для просмотра.

Читать далее

Иттифоқи касаба

Кумитаи муттаҳидаи иттифоқи касабаи ДДҲБСТ

Амонов Аминҷон Ҷамолович

 

Фаъолияти Кумитаи муттаҳидаи иттифоқи касаба дар асоси Низомнома ва тибқи шартномаи коллективӣ байни раёсати донишгоҳ ва КМИК барои се сол ба амал бароварда мешавад. Дар шартнома асосан масъалаҳои ташкили меҳнат, дар бораи шакл, низоми пардохти музди меҳнат, мукофотпулиҳо, кўмакпулиҳо, ҷубронпулиҳо, пардохти иловагӣ ва амсоли ин инъикос ёфтааст. Рафти иҷрои бандҳои шартнома пайваста зери назорати кормандони кумита ва раёсати донишгоҳ қарор мегирад.

Кумитаи муттаҳидаи иттифоқи касабаи донишгоҳ масъалаҳои гузошташударо дар ҷаласаҳои худ тибқи маҷмўаи санадҳои меъёриву ҳуқуқӣ ҳаллу фасл мекунад. Кумита раванди фаъолияти худро барои таъмини ҳифзи ҳуқуқҳои устодону донишҷўён ва кормандон, таъмини ҳифзи иҷтимоии онҳо равона кардааст.

Соле як маротиба маҷлиси ҳисоботии кумита бо ҳузури намояндагони раёсати донишгоҳ ва мақомоти болоии кумитаи иттифоқи касаба гузаронида мешавад, ки дар он натиҷаҳои фаъолияти амалӣ, молиявӣ ва амсоли ин баррасӣ мегарданд.

Дар давоми фаъолияти кумита роҳбарии онро У. Орифхўҷаев Ф.М. Сатторова, Ф. Исоқов, О.О. Бобоева, М.Р. Дониёров, К.М. Баҳодуров ба ўҳда доштанд.

Дар конфронси ҳисоботӣ-интихоботии КМИК-и донишгоҳ, ки 9 декабри соли 2012 баргузор гардид, Амонов Аминҷон Ҷалолович раис ва Абдуваҳобова Толибахон Кенҷаевна муовини раис интихоб гардиданд. КМИК- и донишгоҳ имрўзҳо барои тақвият бахшидани корҳои оммавӣ-ташкилӣ, беҳдошти шароити кору зиндагии аъзоён тадбирҳои муфид меандешад. Кумитаи муттаҳидаи иттифоқи касабаи ДДҲБСТ дар соли сипаридашуда фаъолияти худро тибқи Сарқонуни Ҷумҳури Тоҷикистон, Қонуни конститутсионӣ Ҷумҳурии Тоҷикистон «Дар бораи иттифоқҳои касаба ва кафолатҳои фаъолияти онҳо»; Қонуни Ҷумҳурии Тоҷикистон «Дар бораи иттиҳодияҳои ҷаъмияти» таҳти рақами №644 аз 23.05. 1998с; Қонуни Ҷумҳурии Тоҷикистон «Дар бораи маориф» таҳти рақами №1004 аз 22.07.2013с; Қонуни Ҷумҳурии Тоҷикистон таҳти рақами №48 аз 08.12.2003с. ва қарорҳои Ҳукумати Ҷумҳурии Тоҷикистон «Дар бораи чораҳои беҳтар намудани шароити манзили коммуналию майишии кормандони маориф», таҳти рақами №671, Кодекси меҳнати Ҷумҳурии Тоҷикистон таҳти рақами №417 аз 15.05.1997 с. ба амал баровард.

Кумитаи иттифоқи касабаи донишгоҳ тули мавҷудияти худ,ба ҳайси як ташкилоти озоду мустақили ҷамъиятӣ ҳамеша ҳуқуқи манфиатҳои омӯзгорон ро њимоя намуда, дар доираи имкониятҳои худ ба он мусоидат намудааст, ки беҳтарин шароити кору зиндагӣ барои онҳо ба вуҷуд оварда шаванд, то омӯзгорон тавонанд, тамоми қувваю дониш ва таҷрибаи кори худро баҳри гул-гулшукуфони Ватани азизамон равона созанд.

Читать далее

Шўрои олимон

Раиси шўрои олимон – ректори  донишгоҳ Шарифзода М.М.

Шўрои олимони Донишгоҳи давлатии ҳуқуқ, бизнес ва сиёсати Тоҷикистон фаъолияти худро дар асоси Низомномаи Шўрои олимони муассисаи таҳсилоти олии касбии Ҷумҳурии Тоҷикистон, ки бо қарори мушовараи Вазорати маорифи Ҷумҳурии Тоҷикистон аз 26 майи соли 2006, № 18/3 тасдиқ шудааст, ба роҳ мондааст.

Шўрои олимон бо мақсади баррасии масъалаҳои асосии фаъолияти таълимию тарбиявӣ, илмию методӣ, иқтисодию молиявии донишгоҳ дар назди ректор таъсис дода шуда, сохтори идоракунандаи донишгоҳ маҳсуб меёбад.

Вазифаи асосии Шўрои олимони донишгоҳ дар амал татбиқ намудани Қонуни Ҷумҳурии Тоҷикистон «Дар бораи маориф», Қонуни Ҷумҳурии Тоҷикистон «Дар бораи таҳсилоти олии касбӣ ва таҳсилоти касбии баъд аз муассисаи олии таълимї», Низомномаи намунавӣ оид ба муассисаи таълимии таҳсилоти олии касбии Ҷумҳурии Тоҷикистон, Низомномаи намунавии Шўрои олимони муассисаи таҳсилоти олии касбии Ҷумҳурии Тоҷикистон, фармону амрҳои Президенти Ҷумҳурии Тоҷикистон, қарорҳои Ҳукумати Ҷумҳурии Тоҷикистон, санадҳои меъёриву ҳуқуқӣ оид ба соҳаи маориф ва илми Ҷумҳурии Тоҷикистон мебошад.

Тибқи Низомномаи намунавӣ оид ба муассисаи таълимии таҳсилоти олии касбии Ҷумҳурии Тоҷикистон ректори донишгоҳ Шарифзода М.М. вазифаи раисии Шўрои олимони донишгоҳро бар дўш дорад.

Шўрои олимони донишгоҳ дар ҳайати ректор, муовинони ректор, деканони факултетҳо, мудирони кафедраҳо, директори китобхонаи илмӣ, сардорони раёсату мудирони шуъбаҳои донишгоҳ, намояндагони созмонҳои ҷамъиятӣ фаъолият дорад.

Фаъолияти Шўрои олимони донишгоҳ мутобиқи нақшае, ки барои ҳар як нимсола таҳия мегардад, сурат мегирад. Нақшаи кори Шўрои олимонро ректори донишгоҳ, пас аз барасии он дар ҷаласаи Шўрои олимон, тасдиқ менамояд.

Масъалаҳои дар ҷаласаҳои шўрои олимон баррасишаванда ба такмили фаъолияти таълимӣ, илмӣ ва иноноватсионӣ, тарбиявӣ, мустаҳкам намудани пояи илмию методии донишгоҳ равона гардида, ба рушди минбаъдаи донишгоҳ дар њамаи самтњои фаъолият мусоидат менамоянд.

Котиби шўрои олимони ДДҲБСТ Ҳикматуллоев И.Н. Тел:2-08-43, Этот адрес электронной почты защищен от спам-ботов. У вас должен быть включен JavaScript для просмотра.

Читать далее

22 Февраль 2014

Раёсати маъмурию хоҷагидорӣ

Раёсати маъмурию хоҷагидорӣ

 Сардори раёсат Раҳимбоев Ғайратҷон Ғафурҷонович

Ба ҳайати раёсати маъмурию хоҷагидории донишгоҳ сохторҳои - шўъбаи таъминот ва сохтмони асосӣ, шўъбаи банақшагирӣ, ояндабинӣ, татбиқи буҷа ва маблағҳои махсус, раёсати маъмурию хоҷагидорӣ, бахши хўроки умумӣ, маҷмааи варзишӣ- фарҳангӣ, минтақаи таҷрибаомўзӣ ва истеҳсолӣ ва бунгоҳи тиббӣ шомил мебошанд Фароҳам овардани шароити мусоиди кор ва фароғати аҳли донишгоҳ, татбиқи роҳҳои нави хоҷагидорӣ, танзими кори хадамоти хоҷагии донишгоҳ, нуқтаҳои хўроки умумӣ дар ҳудуди донишгоҳ, таъминот бо маводҳои зарурӣ, пешбурди корҳои таъмиру сохтмон дар биноҳои донишгоҳ аз самтҳои асосии фаъолияти бахши корҳои иқтисодӣ ва молиявӣ маҳсуб мегарданд.

То имрўз дар самти корҳои таъмиру сохтмон як зумра тадбирҳо андешида шуда, иҷро гардиданд: сохтмон ва ба истифода додани қисми даромадгоҳи факултети баҳисобгирӣ ва андоз, гузаронидани таъмири капиталии бинои таълимии №3, сохтмону азнавбарқароркунии буғхона ва хати гармидиҳии бинои таълимии №1. Дар ибтидои соли 2014 бошад буғхона ва хати гармидиҳии бинои таълимии №3 сохта мавриди истифодабарӣ қарор гирифт. Пеш аз оғози соли хониши 2015-2016 бинои таълимии №1 бо пуррагӣ аз таъмири капиталӣ бароварда шуд. Сохтмони бинои технопарк ва буғхона барои хобгоҳи донишҷўён ба нақша дароварда шудааст. Ҳамаи биноҳои таълимӣ, синфхонаҳо, озмоишгоҳо бо 1824 адад миз ва 3699 адад курсӣ таъмин карда шуданд. Бинои таълимии№1 иловатан соли ҷорӣ бо 330 курсӣ, 15 адад тахтаи синфӣ ва 165 миз таъмин гардид.

Ҷиҳати пайдо намудани имконият барои пешбурди корҳои сохтмонаш нотамоми комплекси варзишгоҳ, маҷлисгоҳ ва ощхонаи донишҷўён, ҳамчунин оид ба ҷалби сармоягузорон тадбирҳо андешида шуда истодаанд.

Дигар аз самтҳои муҳими фаъолияти раёсати маъмурию хоҷагидориро ободонию сабзкории саҳни биноҳои таълимӣ ташкил медиҳад. Имрўз ба ихтиёри боғбонҳои қисми хоҷагӣ барои ободонӣ ва сабзкорӣ бештар аз 30 гектар замин вобаста шудааст. Дар мавзеҳои заминҳои назди биноҳои таълимии донишгоҳ зиёда аз 1000 бех гулҳои ороишии садбарг, 2000 бех канна ва наздик ба 5 ҳазор кўчати гулҳои тагес, марҷонгул, питунӣ, астра, ҳафтранг ва 300 бех дарахтони сояафкан шинонида нашъунамо ёфта истодаанд. Инчунин боғбонон дар минтақаи заминҳои таҷрибавӣ – истеҳсолии, ки дар 4,1 гектар соҳили баҳри тоҷик ҷойгир шудааст корҳои ободониро вусъат мебахшанд. Дар як қисми заминҳои минтақа маҳсулоти гуногуни полезӣ ба монанди лаблабуи қанд, бодаринг, помидор, карам, мош, каду кишт карда шуда, ҳосили бадастомадаи он ба кормандону омўзгорон, оилаҳои ниёзманд ва муҳасилини мактаби махсус барои кўдакони қувваи босириашон суст ва нобинои ш. Хуҷанд ба таври ройгон тақсим карда дода мешавад.

Таъминот бо маводу лавозимоти хониш, ҷиҳозонидани раванди таълим бо технологияи муосири замонавӣ яке аз самтҳои асосии фаъолияти раёсат ба ҳисоб меравад. Теъдоди умумии компютерҳо ба 506 адад принтерҳо ба 177 адад, упс- 148 адад,проектор- 22 адад,сканер- 10 адад, доскаи электронӣ ба 5 адад расонида шуд. Таъмину харидории воситаҳои навини техникӣ марҳила ба марҳила ба нақша гирифта шуда идома дорад.

Раёсати хоҷагию маъмурии донишгоҳ ҷиҳати дар оянда барои боз ҳам вусъат бахшидан баҳри таҳкимбахшии пояи моддӣ- техникӣ ва корҳои ободониву созандагӣ тадбирҳои иловагиро ба нақша гирифта, амалӣ месозад. Имрўз дар қисми хоҷагӣ 86 нафар кормандон фаъолият мебаранд.

Читать далее

Шўъбаи робитаҳои байналмилалӣ

Шӯъбаи робитаҳои байналмилалӣ бо қарори Шӯрои олимони донишгоҳ № 1, аз 30.08.2007 ташкил карда шудааст. Ҳадафи шӯъба густариши алоқаҳои байналхалқии донишгоҳ бо муассисаҳои таълимӣ, илмӣ ва фарҳангии мамолики хориҷӣ ва мусоидат кардан ба он, ки донишгоҳ бо системаи маорифи ҷаҳонӣ алоқаи қавӣ пайдо намояд, сифати таълим ҷавобгӯи стандартҳои ҷаҳонӣ ва ниҳоят дипломи донишгоҳ эътирофи байналхалқӣ дошта бошад.

Вазифа ва самтҳои асосии фаъолияти шӯъбаи робитаҳои байналмилалӣ:

- ташкили робитаҳои самараноку нафъовари донишгоҳ бо муассисаҳои илмӣ, истеҳсолӣ, фарҳангии ватаниву хориҷӣ;

- ташкили иштироки фаъоли донишҷӯён, омӯзгорон ва донишмандони донишгоҳ дар лоиҳаҳо ва барномаҳои байналхалқии таълимӣ, илмӣ ва фарҳангӣ;

- ташкили қабули донишҷӯёни хориҷӣ барои таҳсил дар донишгоҳ;

- фароҳам овардани шароити мусоид дар татбиқи маҳсули интеллектуалӣ ва истифодаи мутахассисони варзида дар бозори зеҳнии миллӣ ва ҷаҳонӣ.

Фаъолияти байналмилалии Донишгоҳи давлатии ҳуқуқ, бизнес ва сиёсати Тоҷикистон мувофиқи мақсадҳои асосии рушди донишгоҳ барои модернизатсияи низоми миллии таҳсилоти касбӣ, инчунин вусъат бахшидани сифати тайёр намудани нерӯи инсонӣ, қонеъ гардонидани талаботи шахс ва ҷомеа равона гардидааст.

Имрӯз дар донишгоҳ 5 лоиҳаи байналмилалии Барномаҳои Иттиҳоди Аврупо амал мекунанд. Донишгоҳ бо 48 муассисаҳои илмӣ ва таълимии кишварҳои хориљи дуру наздик ҳамкориро ба роҳ монда, байни намояндагони тарафҳо созишномаҳои мухталиф баста шуданд. Шартномаҳои ҳамкорӣ бо 27 муассисаи илмию таълимии Федератсияи Русия, бо 8 муассисаи ватанӣ, бо 4 муассисаи Ҷумҳурии Қирғизистон, бо 1 муассисањои Қазоқистон, Ҷопон, ИМА, Донишгоҳи Осиёи Марказӣ, Финляндия, Украина, Белорусия, Чин, Ҳиндустон баста шуданд.

Шӯъба фаъолияти худро баҳри созмони шаклҳои нави ҳамкорӣ бо муассисаҳои таълимӣ ва илмии пешрафтаи ҷаҳон, табодули донишҷӯён ва устодон, гирифтани грантҳои Иттиҳоди Аврупо Эразмус Мундус, Темпус, USAID, Сафорати Амрико дар Тоҷикистон пурзӯр мекунад.

Читать далее

Ректорат

Раисикунандаи маҷлиси ректорат: ректори донишгоҳ  Ҷўразода Ҷ.Ҳ.

  Маҷлиси ректорати Донишгоҳи давлатии ҳуқуқ, бизнес ва сиёсати Тоҷикистон бо мақсади баррасии масъалаҳои асосии фаъолияти таълимию тарбиявӣ, илмию методӣ ва моливӣ-хоҷагидорӣ, ташкили кор, таъминоти кадрӣ ва назорати интизоми меҳнат дар назди ректори донишгоҳ таъсис дода шудааст. Маҷлиси ректорат тибқи Низомномаи ректорати донишгоҳ, ки бо қарори Шўрои олимон аз 9.06.2010, суратҷаласаи рақами 9 тасдиқ шудааст, гузаронида мешавад. Бо фармони ректори донишгоҳ № 53 аз 18.09.2012 ҳайати маҷлиси ректорат тасдиқ гардидааст, ки он аз 23 нафар иборат аст. Ба ҳайати асосии маҷлиси ректорат ёвари ректор, муовинони ректор, декани факултаҳо, мудирони шуъбаю сардорони раёсати донишгоҳ шомиланд.

Чаласаҳои ректорат ҳар моҳ як маротиба мувофиқи нақшаҳои кории барои ҳар як нимсола таҳияву тасдиқ гардида сурат гирифта, вобаста ба ташкили ҷараёни таълиму тарбия, корҳои илмию тадқиқотӣ, фаъолияти молиявӣ ва хоҷагидорӣ, таъминоти кадрӣ қарор қабул менамояд. 
Вазифаҳои асосии ректорат:
- ба роҳ мондани мунтазамнокии раванди таълиму тарбия;
- ташкили кор ва назорати он;
- ҷобаҷогузории кадрҳо;
- дар амл татбиқ намудани Қонуни Ҷумҳурии Тоҷикистон «Дар бораи маориф», Қонуни Ҷумҳурии Тоҷикистон «Дар бораи таҳсилоти олии касбӣ ва таҳсилти касбии баъд аз муассисаи олии таълимӣ», «Низомномаи намунавӣ оид ба муассисаи таълимии таҳсилоти олии касбии Ҷумҳурии Тоҷикистон», фармону дастур ва қарорҳои Ҳукумати Ҷумҳурии

Тоҷикистон, Вазорати маорифи Ҷумҳурии Тоҷикистон, вазорату идораҳои соҳавӣ  ва мақомоти болоӣ, низомномаи мазкур, асноди меъёриву ҳуқуқии соҳаи маориф ва дигар санадҳои меъёриву ҳуқуқии амалкунандаи Ҷумҳурии Тоҷикистон.
- дар ҷаласаҳои ректорат оид ба нитиҷаҳои фаъолияти масъулин, нобони ректор, декани факултаҳо, мудирони шуъбаҳо муҳокима ва хулосабарорӣ карда мешавад.
- ҷаласаҳои ректорат дар суратҷаласаҳо қайд карда шуда, ба он ректори донишгоҳ ва котиби ректор имзо мегузоранд.
- ташкили кори ректорат, ба тавсибрасонии суратҷаласаҳо, назорати иҷроиши қарорҳои қабулшуда, тамоми ҳуҷҷатнигорӣ вобаста ба фаъолияти ректорат ба зиммаи котиби Шўрои олимони донишгоҳ гузошта мешавад.

Дар ҳолати зурурӣ қарорҳои ректорат барои тасдиқ ба ҷаласаи Шўрои олимони донишгоҳ пешниҳод карда мешавад.

 

Читать далее

21 Февраль 2014

Кафедраи тарбияи ҷисмонӣ

Мудири кафедра – Бойматов Зоидҷон Шерқўзиевич

Аз таърихи қафедра. Кафедраи тарбияи ҷисмонӣ бо қарори Шурои олимони ДДҲБСТ таҳти № 2 аз 30.10.2000 таъсис ёфтааст.

Кафедра дар варзишгоҳ ҷойгир шудааст. Ҳамчун мудирони кафедра: солҳои 2000 – 2004 сармуаллим А. Охунов, солҳои 2004 - 2005 сармуаллима Ш.А. Ахмедова, солҳои 2005 – 2008 сармуаллим Қ.Н.Сафаров, солҳои 2008 – 2015 сармуаллим С.Т. Мукаррамов фаъолият бурданд. Аз соли 2015 инҷониб вазифаи мудири кафедраро сармуаллим З.Ш. Бойматов ба ўҳда дорад.

Вазифаи асосии кафедра тайёр намудани мутахассисони ҳаматарафа ташаккулёфта мебошад. Ҳадафи асосии тарбияи ҷисмонии донишҷуёни ДДҲБСТ ташаккули маданияти ҷисмонии онҳо ва қобилияти истифодаи мақсадноки васоити гуногуни тарбияи бадан ба ҳисоб меравад.

Дастовардҳои варзишӣ: Дар Спартакиадаи мактабҳои олии вилояти Суғд варзишгарони донишгоҳамон аз ёздаҳ намуди варзиш, ки санаи 04.04.2016 то 30.04.2016 сол баргузор гардида буд, ширкат варзида, сазовори ҷойи дуюм гаштанд.

Нерўи кадрии қафедра. Дар қафедра панҷ нафар сармуаллимон ва яқ нафар қоргузор фаъолият меқунанд:

1. Бойматов Зоидҷон Шерқузиевиҷ-мудири қафедра сармуаллим, устоди варзиш оид ба боқс, довари дараҷаи ҷумҳуриявӣ.

2. Маҳмудов Игор Аруллоевич-сармуаллим, Корманди шоистаи варзиши Ҷумҳурии Тоҷикистон.

3. Аҳмедова Шаҳло Абдусатторовна-сармуаллима, номзад ва устоди варзиш оид ба варзиши сабук, Аълочии маорифи халқ, довари дараҷаи ҷумҳурияви.

4.Маҷидов Қобилҷон Қориевиҷ-сармуаллим, номзад ба устоди варзиш оид ба намуди варзиши вазнин.

5. Абдуалиев Бойназар Суюновиҷ-сармуаллим. 6. Ақрамова Ўғулой Саидмунавваровна-коргузори қафедра.

Тел: 93-488-15-52

Читать далее

Кафедраи таърихи халқи тоҷик

 

Кафедраи таърихи халқи тоҷик

 Мудири кафедра д.и.т., профессор

Ҳомидзода Фурқат Муқим

Кафедраи таърихи халқи тоҷик аз 10 июли соли 1994 таъсис ёфта, то моҳи сентябри соли 1995 кафедраи ҳуқуқ ва фанҳои ҷамъиятӣ ном дошт. Моҳи ноябри соли 1998 кафедра ба ду қисм тақсим шуд. Аз моҳи сентябри соли 2011 бо номи кафедраи таърихи халқи тоҷик фаъолият мебарад.

Кафедраи таърихи халқи тоҷик ба тайёр кардани кадрҳои илмиву педагогӣ эътибори махсус зоҳир менамояд.

Айни ҳол дар кафедра 22 нафар омўзгорон, аз ҷумла,  профессорон Ҳ.Фурқат,  Б.Исмоилова, дотсентон Ҳ.Тоатов, Д.Дўстов, Ю. Нурмаҳмадов,  сармуаллим Т. Ҳакимов,  ассистентон  А. Шерматов, М. Халифаев ва 4 нафар муштараквазифаи берунӣ ва 5 нафар муштараквазифаи дохилӣ кору фаъолият менамоянд.

Фанҳои таълимии кафедра: таърихи халқи тоҷик, фарҳангшиносӣ, таърихи тоҷикони ҷаҳон, сарчашмашиносии таърихи халқи тоҷик, фанҳои ёрирасони таърихӣ, воситаҳои баҳодиҳии натиҷаи таълим, этнографияи халқи тоҷик, таърихи дунёи қадим, бойгонишиносӣ, осорхонашиносӣ, бостонишиносӣ, таърихи асрҳои миёна, таърихи нави хориҷӣ, таърихи умумиҷаҳонӣ, этнология, методикаи таълими таърих.

Самти умдаи илмию тадқиқотии кафедра: Таърихи сиёсӣ, иҷтимоиву иқтисодӣ ва фарҳангии халқи тоҷик дар давраҳои мухталиф, сохтори таърихии шаҳрҳои Хуҷанд, Истаравшан ва шаҳракҳои Фарғонаи ғарбӣ дар асрҳои XVIII-ибтидои ХХ, кишваршиносии таърихии Тоҷикистон, таърихи робитаҳои байналхалқии Тоҷикистон бо кишварҳои хориҷӣ, муаммоҳои фарҳанги деҳоти тоҷик дар давраи Шўравӣ, таҳия, таҳқиқ ва нашри силсилаи осори арзишманди хаттии таърихӣ.

Дастовардҳои илмию методии кафедра. Бо қалами олимони кафедра 16 адад китобҳои дарсиву дастурҳои таълимию методӣ, 15 адад монография ва зиёда аз сесад мақолаҳои илмӣ ба чоп расидаанд

Мудири кафедра д.и.т., профессор Ф. Ҳомидзода

Тел: 92-810-79-29

 

Читать далее

Литсейи Донишгоҳ

Литсейи

Донишгоҳи давлатии ҳуқуқ, бизнес ва сиёсати Тоҷикистон – кафолати таълим ва тарбияи босифат

(Литсейи ДДҲБСТ – зодаи даврони Истиқлолият)

Литсей бо мақсади дарёфти хонандагони болаёқат, додани дониши хуби замонавӣ ба толибилмон ва омода намудани хонандагон ба муассисаҳои таҳсилоти олии касбӣ, пеш аз ҳама ба Донишгоҳи давлатии ҳуқуқ, бизнес ва сиёсати Тоҷикистон, бо қарори Шӯрои олимони   донишгоҳ  №3, аз 10.11.2010 таъсис дода шудааст. Литсей дорои иҷозатнома ва шаҳодатнома оиди фаъолияти пешбурди фаъолияти таълим мебошад.  Муассиси литсей Донишгоҳи давлатии ҳуқуқ, бизнес ва сиёсати Тоҷикистон  мебошад.

Литсей фаъолияти худро дар асоси дастуру супоришҳои Асосгузори сулҳу ваҳдати милли - Пешвои миллат, Президенти Ҷумҳурии Тоҷикистон Эмомалӣ Раҳмон, Конститутсияи Ҷумҳурии Тоҷикистон, Қонуни Ҷумҳурии Тоҷикистон «Дар бораи маориф», қарорҳои Ҳукумати Ҷумҳурии Тоҷикистон, фармоишҳои Вазорати маориф ва илми Ҷумҳурии Тоҷикистон, Раёсати маорифи вилоят ва шуъбаи маориф ба роҳ мандааст.

Литсей дорои 10 синфхона, 4- кабинети фаннӣ, 2 лаборатория, 1 кабинети технологияи иттилоотӣ, 1 маҷлисгоҳ ва китобхона мебошад.

Дар таълимгоҳ 28 нафар омӯзгорони дорои таҳсилоти олӣ ба таълиму тарбияи хонандагон машғуланд, ки аз онҳо як нафар номзади илмҳои математика, дотсент, 7 нафар бо унвони Аълочии маорифи Тоҷикистон, 18 нафар дорои тахассуси олӣ ва якум ба таълим ва тарбияи хонандагон ҷалб карда шуданд.

Нақшаи таълимии литсей дар асоси нақшаи таълимии муассисаҳои таҳсилоти миёнаи умумӣ,  литсей ва гимназияҳо, ки  бо  қарори мушовараи ғайринавбатии Вазорати маориф ва илми Ҷумҳурии Тоҷикистон аз 05.08.2015, №19/1 тасдиқ карда шудааст, тартиб дода шуда,  он  бо қарори Шӯрои педагогии №1, аз 30.08.2016 қабул ва аз тарафи вазири маориф ва илми Ҷумҳурии Тоҷикистон  тасдиқ карда шудааст.

Дар литсей дар соли таҳсили 2017-2018 бо мақсади баланд бардоштани шавқу завқи хонандагон нисбат ба омӯзиши фанҳои таълимӣ ва беҳтар намудани сатҳу сифати дониши онон 7 маҳфил, аз қабили “Компютерро меомӯзем”, “Математикони ҷавон”, “Изучаем русский язык”, “Дастони моҳир”, “Шашкабозон”, “Забондонӣ” ва маҳфили “Табиатшиносони ҷавон” амал менамоянд, ки роҳбарони ин маҳфилҳо дар асоси нақшаи тақвимии мураттабгашта  фаъолият мебаранд. 

Дар литсей 6 иттиҳодияи методӣ дар асоси нақшаҳои кории тасдиқгардида фаъолият мебарад.  Дар ҷамъомадҳои иттиҳодияҳои методӣ масъалаҳои  марбут ба методика ва усули таълим баромадҳои маърӯзавӣ, таҳлили дарсҳои намунавӣ ва ҳисоботи эҷодӣ, вазъи дафтардории хонандагон  муҳокима гардида, мутобиқан тавсияҳо пешниҳод карда мешаванд.   

Дар соли таҳсили 2017-2018  ба литсей 250  нафар толибилмон барои таҳсил ҷалб карда шудаанд, ки аз онҳо  75 нафарашон духтар мебошанд. Дар литсей 15 синф амал мекунад, ки аз онҳо 4 синф (10а, 10б, 11а, 11б) бо равияҳои табиӣ - риёзӣ таълим дода мешаванд.

Аз соли аввали фаъолият литсейро 177 нафар хонандагон синфи 11 хатм намуданд, ки 136 нафари онҳо ба мактабҳои олии Ҷумҳурии Тоҷикистон, ба хусус, ба ДДҲБСТ ва 22 нафар ба мактабҳои таҳсилоти олии хориҷи кишвар дохил шуданд.

Аввалин хатмкунандагони литсей соли 2016 донишгоҳҳои олиро хатм намуда, барои фаъолият ба соҳаҳои мухталифи хоҷагии халқ ҷалб карда шудаанд.

Хонандагони литсей дар озмунҳои мухталифи шаҳрӣ иштирок намуда, сазовори ҷойҳои фахрӣ гардидаанд, аз ҷумла, соли тахсили ҷорӣ дар даври шаҳрии озмуни “Тирамоҳи заррин”, дар озмуни “Тарзи ҳаёти солимро интихоб намо” сазовори ҷойҳои дуюм ва сеюм гардиданд ва дар озмунхои “Техникони наврас”, “Китобхони бехтарин”,  “Шоҳномахони” ва “Иншои бехтарин” сазовори чойхои ифтихори гаштаанд.

Натиҷаи фаъолияти босамари омӯзгорон ва таҳти назорати доимии маъмурият қарор доштани сатҳи таълиму тарбия буд, ки солхои охир нисбатан болоравии нишондиҳандаҳо оид ба дастовардҳо ба назар расид.

Аз ҷумла, дастовардҳо дар Олимпиадаи фаннии хонандагон дар соли таҳсили 2017- 2018:  дар миқёси шаҳр 4 нафар хонандагон аз фанҳои забон ва адабиёт, математика, забони русӣ  ва технологияи иттилоотӣ география ва забони англиси ҷойҳои 1, 2 ва 3- ро ишғол намуда, барои иштирок дар даври вилоятии Олимпиадаи фаннӣ роҳхат гирифтанд. Се  нафар дар Олимпиадаи вилоятӣ аз фанни забони русӣ, забон ва адабиёти точик ва математика иштирок намуда сазовори ҷои сеюм гардиданд, як нафар хонандаи синфи 11 – и литсей  Усмонова Адиба аз фанни забони русӣ дар Олимпиадаи ҷумҳурӣ иштирок намуд.

  Дар соли тахсили чори дар сессияи шаҳрии Академияи хурди илмҳо хонандагони литсей бо кори илмии худ дар мавзӯъҳои актуалӣ баромад намуда,  дар назди ҳакамон онро ҳимоя намуданд.  Дар натиҷа  7  нафар хонандагони литсей аз фанҳои экология, забони русӣ, забон ва адабиёти тоҷик,  химия ва биология дар миқёси шаҳр ҷойҳои 1, 2, ва 3-юмро ишғол намуданд.

Китобхонаи литсей дорои китобҳои таълимию методӣ буда, фонди умумии онро 3223 дона китоб ташкил медиҳад, ки аз он 2305 дона китобҳои таълимӣ бо 86 номгӯй мебошад. Соли таҳсили ҷорӣ фонди китобҳои бадеии литсей ба миқдори 400 адад бой гардонида шуд. Инчунин барои пурра таъмин намудани хонандагон бо котоби дарсӣ тибқи дархост аз тарафи шуъбаи маориф якчанд номгў китобҳо  барои синфҳои ибтидоӣ ва синфҳои боло харидорӣ карда шудааст.

Читать далее

http://www.zoofirma.ru/